Jeremia 17:9 - mzwDBL

⁹ Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Jeremia 17:9 ပူးပေါင်းရင်းမြစ်များ

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

2 Samoɛl 11:15

Waa aa lɔ tɔn la bini laanee nɔ, “Laa la baa do kpeɡri aa, ɡel Uria ka tɔ sie ásɛ he le habɔɔ, bá kpoo.”

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Yela 64:7

Korowii ɛɛ tɛr ba deŋnee, ba ne jara dɛ ba choɡlo chɔ, kɛŋɔ baa ta hɛma yaɡ ba ken.

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

Aesaya 1:5

Bɔkwa waa he ta do he kpaŋa nɔ ta nɔɔ? Deŋnetɛra besoo he ta ɛɛ nyin jaɔ? He bwadabii bwa dɛ we heya, he sie ta harɛ chole.

Aesaya 1:6

Le he nyu ta ba ta harɛ, he bobɛlbwa toole dɛ do kpeɡri. Ŋwɛra ne bela aa darawa ne chale ɡboo he bwa. Ba ta an jaɡrɛ, á ba ɛ kɛŋɔ baa do tɛɛɡa a taa dɛ́ vɔwa.

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Matiu 13:15

dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Amanesoma Mak Aa Chwera Tɔn 2:17

Yeesu aa no ɡɛ waa nɔ la, o ŋɔ ba be ŋɔ, “Weela tenaa hiah tɛɛɡa te, bokpeɡa tena laa.” Dɛ ŋɔ, “Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

Tɔn Pɔɔl Aa Chwerɛ Rom Tena 7:11

Liichɔɡa nao kɛŋɔ a dɔ bɔr name. Mmara taa a che dɛ neɡ mɛ, dɛ taɡ mɛ do seo ta.

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.