Jeremia 17:6 - mzwDBL

⁶ Naate ɛɛ doo kɛŋɔ dajeɡa waa cheɡɛ pua hɛŋle ɡbo harɛ ta. Wobɛlbwa aa werii do tɛo. Harɛ waa hola dɛ peɡri, nomɛlbwa aa wola won so o ta, komɛlbwa ɡe aa wola won kpeɡ o ta la, o taa wɛɛ ba cheɡa.

Jeremia 17:6 ပူးပေါင်းရင်းမြစ်များ

2 Koranar 7:2

Anee nomoa waa dɛ cha kooro ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Elaesa ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

Job Tɔn 20:17

Baa kondikwaa ne sen Korowii aa sweera tɛɛ ba laanee dɔ kohona, a warɛ kɛŋɔ nee aa sua la.

Job Tɔn 39:6

Pua hɛŋle ɡbo harɛ taa n kpɔ tɛo o so, bela kpɔɡa aa wola won kpeɡ.

Yela 1:4

Gɛ laa nɛnchɔɡa la te do, ba waa do kɛŋɔ haahra, peu yon ta dɛ́ kaa ane la ken.

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Yela 92:7

Nyubinikpeɡ tena ɛɛ won dɛɛ kpeɡ kɛŋɔ kpɔɡa, ásɛ wechɔɡ-ɛɛra ɡe wobɛlbwa do wer dɛɛ tɛɛ ba, kɛ ba bwa ɛɛ ba chɔɡoo kwaraa.

Aesaya 1:30

Hɛɛ ɛo kɛŋɔ dajen o papooni aa jwala dɛɛ chure ken, dɛ́ do kɛŋɔ daa baa dua baa wola nee a mune do ken.

Jeremia 29:32

Anomanta, mɛɛ tɛr Sɛmaya ne o naanar deŋnee. O nɛmbeŋkpoŋ kwara aa ka dɛ́ do nɛra nɔ bini. Waa kondɛɛɡa maa dɛ ba kpɔe tɛ n nɛra la nae ba, dɛkalkɛ o ɛ deŋnekpeɡ o ta n waa ta teŋɛ. Men Korowiirii bola.”

Jeremia 48:6

Ba ŋɔ, ‘Hé ɛ warane, dɛ́ chwa lɛ he nyuune. Hé chwa kɛŋɔ kpɔɡ bini keeɡo waa lɔ pua hɛŋle ɡbo harɛ ta ken.’

Ɛsekeɛl 47:11

Kɛ o nyoo aa do kɛ chɛɡbɔra la nee la te aa won do wer, aa chɔɔ bá dɔ yar dɛɛ le a ta.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Sitɔɔla 9:45

Awola tɔpere la bwa, Abemɛlɛk yo bwɛjen la tena, ka tel kɛŋɔ waa kpoo ba bwa. O paɡre bwɛjen la dɛ kpɔ yar merɛ o ta.