Jeremia 17:26 - mzwDBL

²⁶ Nɛra ɛɛ le Juda bwɛɛre ne bwɛjeɡre aa bar Jerusalam, ne Bɛnjamen dea harɛ ne wee cholibɔr bwea lɔɡre bwɛɛre, ne deŋɡarere harɛ, dɛ Nɛɡɛv waa ɛ pua hɛŋle ɡbo harɛ, dɛ́ kpɔ saraha kwaa baa fuah ne anɔ la baa kpoora, ne mea sarahare, ne daawiile a sɔɔh aa soma, dɛ jam saraharee ba Korowii Dea.

Jeremia 17:26 ပူးပေါင်းရင်းမြစ်များ

Sekaria 7:7

Gɛ waa nɔɔ Korowii che o keamere baa tɔ sie nɛɛ dɛ bol a saŋ la. Jerusalam ne bwɛɛre aa baro nɛra fa aa soɡe deŋnesɔɔhna ta dɛ dɔ ba te, nɛra su o ta, ne bwɛɛre aa baro bwa ta dɛ do Nɛɡɛv pua hɛŋle ɡbo harɛ dɛ harɛre aa lɔ wee cholibɔr deŋɡarere harɛ ta bwa la.’ ”

Jeremia 33:13

Deŋɡarere bwɛɛre ne bwejena lɔɡre bwɛɛre, ne Nɛɡɛv bwɛɛre aa lɔ Bɛnjamen dea harɛ ta, ne bwɛɛre aa bar Jerusalam, dɛ Juda harɛ bwɛɛre bwa ta la, peteɡra ɛɛ won dɔ bɔr dɛɛ kure ba peera. Men Korowiirii bola.

Jeremia 32:44

Nɛra ɛɛ yawaa, ásɛ ba ɛ a tɔne dɛ́ ɛɡre nɔɔra dɛ́ lɛa do, ásɛ nɛra di a danseɛ. A ɡɛ waa nɔ, Bɛnjamen dea harɛ ne bwɛɛre aa bar Jerusalam ne Juda harɛ ta dɛ deŋɡarere harɛ bwɛɛre, ne Juda bwejena lɔɡre bwɛɛre bwa, dɛ́ kpoŋe kaa Nɛɡɛv waa ɛ pua hɛŋle ɡbo harɛ taa aa ba chiɡa. Mɛɛ laɡ baa ba ba harɛ ta. Men Korowiirii bola.’ ”

Yela 107:22

A chɛ kɛ bá kpo kwaa ba ɛ sarahare dɛ́ jam Korowii, dɛ́ kpɔ silɛɛ ɡo yela baɡle waa waa ɛa.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Yela 116:17

Mɛɛ kpo kwaa ɛ jam sarahaa tɛɛ, dɛ́ kpɔ n wesoŋa bil he sie.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Ɛsra 3:11

Ba ɡo yela kpɛɛ Korowii dɛ jaamo ŋɔ, “Korowii wer, o nyina waa dɛ nyin Israel tena lole saŋ bɛlbwa dɛɛ la.” Asɛ nɛra la bwa moo kohona dɛ jam Korowii, dɛkalkɛ ba pa Korowii Dea la mun.

Yela 66:13

Mɛɛ kpɔ saraha kwaa baa fuah ba tɛɛ he Dea, dɛ́ chuɡri n nyobaɡa maa baɡɛ la.

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,