Jeremia 17:23 - mzwDBL

²³ Kɛ ba ta deŋne cheɡɛ, ba ɛ deŋnekpeɡ, ba ta n be noɛ á ba ɛ kɛŋɔ baa hweli waanee le n be.

Jeremia 17:23 ပူးပေါင်းရင်းမြစ်များ

Yela 50:17

He hah waa maa do heyaa a ta la, dɛ kpɔa ta habɔɔ.

Sɛɡla 1:3

Aa che sɛɡla nɔ taa nɛra won jemɛ wa, dɛ́ won ba te lawa dɛ́ dɔ dadɛɛɡe, dɛɛ ɛ waa aa wera ne kasinteŋ, dɛ waa aa toɡra.

Sɛɡla 1:5

Wejerema, hé cheɡ deŋne, dɛ́ no sɛɡla nɔ, dɛ́ dɔ wejema kɛrɛdɛ. Nɛra baa dɛ no waa mun la won ba te lawa, anɔ la aa wera ne anɔ la aa wola were ta,

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Sɛɡla 5:12

ásɛ he ba ŋɔ, “N deŋnekpeɡ ne n waa bɛ noe, ne n bambikpeɡii tɛ mɛ.

Sɛɡla 8:10

Hé kpɔ waa maa kpɔa dɛɛ ja heya dɛ́ ɡel suuɡapoŋ, hé kpɔ wejema ɡwaa suuɡaswɛm tenten.

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Jeremia 11:10

Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”

Jeremia 32:33

Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 6:8

Jerusalam tena, hɛ́ɛ no jae maa dɛ ja heya, ɡɛ laa aa, mɛɛ vɛh heyaa, dɛ́ ɡel he harɛ chɔ pɛɛ, ásɛ nomɛlbwa aa wola won so o ta.”

Jeremia 7:28

Anomanta, ŋɔ ba be ŋɔ, ba harɛ nɛra aa men Korowii baa dɛ tom mɛ waa ta teŋɛ kɛɛ dɛ hweli waa ane le ba deŋnetɛra ta. Kasinteŋ toole kpa. Baa a waa bol kpa kwara.

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 20:16

dɛkalkɛŋɔ, ba vɛh me Mmarare, ba ta n waa ta teŋɛ, dɛ chɔɡ Ona Tɔpera la. Ba liire bwa lɔ ba voɡare ta.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Sefania 3:7

N ɛ n liire kɛŋɔ n nɛra fe ɛɛ che anɔ taa dɛ́ tɛ mɛ duure, dɛ́ sɛh teŋɛ toɡra maa dɛ toɡ ba la ta, dɛ bɛ deŋnetɛra maa kpɔa toɡ ba la soh. Kɛ buɡ nɔ ta ba we-ɛɛla berɔ kaa ba webena la ta.”

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Sitɔɔla 6:10

N ŋɔ he be kɛŋɔ menee Korowii haa dɛ tom mɛ. He bɛ Amɔre tena haa soɡe ba harɛ ta voɡare la dɛɛ tomɛ. Kɛ he vɛh n waa la noe.”