Jeremia 16:19 - mzwDBL

¹⁹ N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 16:19 ပူးပေါင်းရင်းမြစ်များ

1 Koranar 20:23

A habɔɔ la, Siiria Kooro nomonome baa jao ŋɔ, “Israel tena voɡare lɔ deŋɡarere ta, a waa ba won pɔ ya nɛɛ la. Kɛ dɛ ya ne ba yo harɛpɛɛ ta naa, ya bokpeɡa ɛɛ ɡwaa ba nɛɛ.

Yela 18:3

N wio no hen Korowii waa chɛ kpɛɛra la, asɛ he lɛɛ mɛ le n dɔma nɔn ta.

Yela 19:14

N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.

Yela 27:5

Hɛɛ lɛɛ mɛɛ n wenaale tɔpere, dɛ́ kpɔ nɔn tɔ n nɛ he Dea dɛ́ laɡ mɛ sɔh bela, dɛ́ kpɔ n naa cheɡ bodɛɛɡe.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 62:2

O ɡboo do kɛŋɔ Bwetal, n chwa kaa marɔ wɛɛ lɛɛ mɛ, onee cheɡɛ n habɔɔ, maa chole bwa.

Yela 62:7

Korowii nɛɛ mɛɛ hwɛɡɛ, wɛɛ lɛɛ mɛ dɛɛ tɛ mɛ jirima, onee do kɛ Bwetal maa chwaa kaa marɔ.

Yela 65:3

ba wechɔɡa aa ɡwaa ba nɛɛ la wa, ásɛ he kpɔ ba wechɔɡa kɛ ba.

Yela 68:31

Nomonome ɛɛ che Ijipt tena naa taa ba, ásɛ Itiopia tena ɡe kpɔ ba te ba do Korowii lɔɡa.

Yela 86:9

Harɛre nɛra haa ta ba bwa ɛɛ ba he siee, dɛ́ ba ɡuŋi, dɛ́ kpɔ jirima tɛ he sɔn haa dɔa.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Aesaya 44:10

Nomɛlbwa waa dɛ ma voɡ kɛɛ dɛɛ loɡɔ la, o ta tɔnɔ dɔe tɛo.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 62:2

Harɛre nɛra bwa ɛɛ na Jerusalam ne o nɛra toɡra baa toɡra, ba koranar bwa ɡe na he jirima. Korowii ɡbabir ɛɛ tɛɛ sɔnfalee.

Jeremia 10:3

Ba nawee waa bwa ɛ wepuu, ba yon teŋe daa le kɔr bini, ásɛ nɛn waa jemɛ kwaa sɛɛh kpɔ o buni sɛoh.

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Jeremia 14:8

He ɡbo nɛɛ ya Israel tena sie dawɛ, he ɡboo lɛ yaa dɛɛ le wenaale ta. Ɛrɛɛ he do kɛŋɔ hɔɔh harɛ nɔ ta kɛɛ nɛŋkaa waa baa so ya bini tɔpebeŋkpoŋ ɡbo nɔɔ?

Jeremia 17:17

Bɛ men ɔmee kohona dɛɛ do, henee n chwa baa marɛ sibeɡra tɔpere.

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Jeremia 2:8

Sɔfore ɡba ta bɔɔrɛ ŋɔ, ‘Leperaa Korowii dɔɔ?’ Nɛra baa dɛ baɡle me Mmarare ɡba ta men jemɛ. Nomonome la bwa ɛ deŋnekpeɡ dɛ vɛɛh mɛ. N keamere bol waa voɡ Baal sɔn ta, dɛ kaa teŋɛ voɡa aa wola tɔnɔ bɛlbwa dɔe nɛ.

Jeremia 3:23

Voɡare yaa toma bwejena dor la ta yaa chae. Korowii ya Israel tena aa dɛ tomɔ ɡboo ɛ ya lɛɛ.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Ɛsekeɛl 11:16

Nemenɛ Korowii ŋɔ n be ŋɔ, “Bol he bala baa lawɛ he ne ban kaa harɛfala ta la be ŋɔ, ‘Menee ɡela ba laɡ ba kaa bojaŋa, ba lɔ peɡre harɛre ane ta la. Kɛ taraken nɔ, mɛɛ ja ba nɛɛ harɛre baa lɔ a ta la ta.’

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Neehum 1:7

Korowii wer, o kpɔ nɔn dɛɛ tɔ o nɛra nɛɛ ba wenaale tɔpere, dɛɛ nyiŋi nɛra baa dɛ yaradao nɛ.

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Tɔn Pɔɔl Aa Chwerɛ Rom Tena 1:25

Ba ɡel Korowii kasinteŋ la toma, dɛɛ tomɛ kwaa aa wola kasinteŋ dɔe. Kwaa Korowii aa taa la, anee baa tomɛ, dɛ ɡel Korowii ɡbaɡba. On chɛ kɛ yaa kpɛɛro saŋ bɛlbwa. Aamen.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”