Jeremia 16:16 - mzwDBL

¹⁶ Korowii ŋɔ wɛɛ ɡeloo dɔma baa wara ba lawɛ nɛra nɔ, kɛŋɔ nɛra baa dɛ ɛ nee toma yon dɛɛ lawɛ pɛŋa la ken. Dɛ́ ɡel dɔma ɡaaɡe ba bɔr bwea ne deŋɡarere dɛ bwebɔɔne bwa ta, kɛŋɔ kpaahna yon dɛɛ nyin ola dɛ́ kpo la ken.

Jeremia 16:16 ပူးပေါင်းရင်းမြစ်များ

Mumpar 10:9

Dɛ o ɛ kpaah o bambile aa kpeɡa Korowii sie, a waa ba yon ŋɔ, “Kpaah waa dɔ bambikpeɡ Korowii sie kɛ Nimrod la.”

Aesaya 2:21

Baa kpɔ ɔmee chwa ka jo bwebɔɔne, ne bwejena aa peɡra la baah, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 7:19

Baa bao dɛ́ ba su fɛlembɔɔne ne bwebɔɔne bini, dɛ́ tɔ sɔɔhne ne kondɛɛra dibɔra bwa ta.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 4:29

Nɛra baa soɡe jaɡre ta, ne banɔ la baa kpoŋe tori ɡbɔɡa ɡelɔ nɛra bwa chwa kaa. Bane chwao ka sɔh kɔne bini, bane chwa ka teeh bwea. Bwɛɛre la bwa chɔ pɛɛ, nɛra toole a bini.

Jeremia 49:5

Korowii, Koranar Bwa Kooro ŋɔ, “Mɛɛ ɡeloo nɛra baa bar heyaa cheme kpɔ ɔmee kohona ba ta he nɛ. Baa doŋi he bwaa le, bɛlbwa aa kae ba dɛ́ boa nɛra baa koh laa waa chwa la nyoa.

Jeremia 6:9

Koranar Bwa Kooro bol n be ŋɔ, “Mɛɛ ɡeloo Israel dɔma ba pa ba harɛ komɛlbwa kɛŋɔ, baa chaa ɡrepo koo daa nɔna bwa le o ta ken. Gɛɛ a chɛ kɛ saŋ bɛl taa lole nɔ, hé cha nomɛlbwa.”

Wiile 4:18

Ya dɔma dɛ nyiŋi ya vala bwa bini, a ɡel yaa won fɔɡbaahna kwaaraa valɛ. Ya tɔpere telo tonɛ, a ka tamaa ken ya serewe.

Wiile 4:19

Ba ɡbaŋre ɡwaa kɛŋɔ kee yon le nyundua la ken, dɛ ba tɔ ya nɛ. Ba ti yaa bwejena dor, dɛ ka sɔh dɛɛ kpaah yaa pua hɛŋle ɡbo harɛ ta.

Hosia 10:10

Mɛɛ tɛr ba deŋnee, ásɛ harɛre ta nɛra pɛ dɛ́ ba tɛr ba deŋne ba wechɔɡa kohona la wa.

Emɔs 4:2

Nemenɛ Korowii waa do ɡoroŋ ŋwɛɛrɔ ŋɔ, “Tɔpera ane ɛɛ bao ásɛ ba lawɛ heyaa ɡoŋri ne kaa. Baa tɛɡre bɛlbwaa kaa kɛŋɔ pɛŋe ken.

Emɔs 5:19

Aa ɛo kɛŋɔ nɛn aa dɛ chwa nyujente dɛ ka cheme sisire ken. Aa doo kɛŋɔ nɛn aa jo o dea dɛ kpɔ nɔn dawɛ danjwɛɛ ta, asɛ harɛkon domɔ.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

1 Samoɛl 24:11

N naa, nyiŋi na, he batakaare peraa n kpoŋe la! Menee baa laa mɔn, kɛ n ta hen kpoe. Jemɛ name kɛŋɔ maa he ne wechɔɡa lii, kɛɛ dɛ́ ɛɛ wechɔɡa bɛlbwa. N ta hen wobɛlbwa ɛɛ, kɛ he teŋɛ n nɛɛ dɛɛ nyin mɛ dɛ́ kpo.

1 Samoɛl 26:20

Bɛ ɡel ba kpo mɛ harɛfale ta, maa wola Korowii sie do. Ɛrɛɛ chɛ kɛŋɔ Israel kooro le dɛ baa kpaah men maa do kɛŋɔ nyuhɔl kɛɛ jumbie nɔɔ?”