Jeremia 15:7 - mzwDBL

⁷ Mɛɛ lɔ heyaa peɡre, ɡɛ ba yon palɛ mea la ken, bwɛjen doonyojena la ta. Mɛɛ kpoo he ne he biirii, dɛkalkɛ he ta liire charɛ le he wechɔɡa ŋwɛnɛre ta.

Jeremia 15:7 ပူးပေါင်းရင်းမြစ်များ

Yela 1:4

Gɛ laa nɛnchɔɡa la te do, ba waa do kɛŋɔ haahra, peu yon ta dɛ́ kaa ane la ken.

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:13

Israel tena la ta ba liire charɛ ba deŋnetɛra la habɔɔ, á ba ɛ kɛŋɔ baa nyin Nemenɛ Korowii bɔree.

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 51:2

Mɛɛ tomɛ nɛŋhɔɔhraa ba ba chɔɡ Babelɔn harɛ ne o nɛra kɛŋɔ peu aa ta haahra dɛɛ kaa la ken. Awola tɔpere la, baa le baŋ bɛlbwaa ba yo o nɛra, ásɛ harɛ la chɔ pɛɛ.

Jeremia 9:21

Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Ɛsekeɛl 24:21

o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.

Ɛsekeɛl 24:25

Korowii ŋɔ, “Nɛwɛnyini bie, mɛɛ chɔɡ n Dea baa dɛ ɛ mbarafo o waa o do wer ba siwi ta, ba sie ɛɛ lɛ o ta laanee. Mɛɛ lawɛ ba bibaala ne ba bihaahna bwa ɡee ja.

Ɛsekeɛl 36:12

Mɛɛ ɡeloo Israel tena haa ɛ n nɛra berɛ ba so harɛ la ta ja. Wɛ́ɛ ɛ he kapɛrɛ konee, lɔr aa he biirii kpo o ta kpa.

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Mmarare 28:18

Korowii taahna ɛɛ lawɛ heyaa he bii dɔe bini, ne koo kwaa ne nae dɛ peera yae ta.

Mmarare 28:32

Baa lawɛ he bibaala ne bihaahnaa he che dɛɛ nyiŋi bá yoɡ ba kɛŋɔ yoma, dɛ́ kpɔ ba kaa harɛfale ta, ásɛ he siwi swɛɛ hɛɛ nyiŋi kɛŋɔ he bii ɛɛ bao á ɛ pɛɛpɛɛ.

Mmarare 28:41

Hɛɛ lolɛ bibaala ne bihaahnaa kɛ baa he biirii ɛ, baa berɛ nɛra bane yomaa.