Jeremia 15:6 - mzwDBL

⁶ He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Jeremia 15:6 ပူးပေါင်းရင်းမြစ်များ

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Aesaya 28:13

Baa wobɛlbwa Korowii aa dɛ bol ba be mun no. Ba bol waa la sie, dɛ ba bolɔ ba habɔɔ tɔpere bɛlbwa, asɛ ba le habɔɔ dɛ ka choɡli, dɛ foɡri, dɛ jo bel ta ba laɡ ba.

Aesaya 31:3

Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.

Jeremia 1:16

Mɛɛ ba bol n nɛra waa dɛ́ tɛr ba deŋne, ba nyubinikpeɡ ne habɔɔ baa bera kpo mɛ la wa, ba fuh daawiile ɛ sarahare voɡare ane ta, dɛɛ tomɛ kwaa ba ɡbaɡba aa kpɔ nɔn ɛ.

Jeremia 13:14

Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Jeremia 6:12

Baa kpɔ ba deremii tɛ nɛra bane, dɛ́ kpɔ ba kooni ne ba haahna ja, ɡɛ saŋ maa tɛr nɛra baa lɔ harɛ la ta deŋne. Men Korowiirii bola.

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Jeremia 7:16

Belaa Korowii ŋɔ, “Jeremia, bɛ wobɛlbwa soŋe tɛ nɛra nɔ, dɛɛ berɛ ba naa ta cheɡa soŋe ba wechɔɡa n be tɛɛ ba. Dɛkalkɛ maa he bee no.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Jeremia 8:5

Bɔkwa waa bala nɛra nɔ berɛ habɔɔ kpo mɛ nɔɔ? Ɛrɛɛ saŋ bɛlbwa Jerusalam tena ɛɛ le habɔɔ nɔɔ? Ba sie ta dɛ lɛ waa aa ɛ nyosone ta, baa nyin kɛ bá berɛ ba n be.

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.

Ɛsekeɛl 14:9

N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini.

Ɛsekeɛl 25:7

Anomanta, n nɔn dawɛ he nɛ ń tɛr he deŋne. Mɛɛ kpɔ heyaa do harɛre nɛra nɔɔra ta kɛŋɔ baa pa laala laa ta kaa ken. Mɛɛ chɔɡ he bwaa kwara, haa wola warɛ dɛ́ tel harɛbir nɛra kpa. Hɛɛ jemɔɔ kɛŋɔ menee Korowii.’ ”

Ɛsekeɛl 35:3

Men Nemenɛ Korowii ŋɔ, ‘Edom bwejena, n ne he dɔɔ. Mɛɛ tɛr nɔnee pa he nɛɛ dɛ́ chɔɡ harɛ la, o ta do ɔma dɛ́ chɔ pɛɛ.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Hosia 4:16

Israel tena deŋne kpeɡri, kɛŋɔ naneenanar a deŋne aa kpeɡa ken. Ɛrɛɛ men Korowii ɛɛ ba wona kpɔa la dibɔr kɛŋɔ baa teɡɛ pebiiri dɛɛ la dibɔr ɔ?

Sefania 1:4

Mɛɛ tɛr Juda harɛ, ne nɛra baa soɡe Jerusalam la bwa deŋnee. Mɛɛ chɔɡ voɡ Baal ne o komɛlbwaa kwaraa, ásɛ nomɛlbwa aa o kerekpoŋra la waa lii kpa.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.