Jeremia 15:21 - mzwDBL

²¹ Mɛɛ lɛɛ le nɛnchɔɡa nɔn ta, dɛ́ ɡel ba nyubinikpeɡ waa baa dɛ vɔrɔwe bwa ɛ pɛɛ.”

Jeremia 15:21 ပူးပေါင်းရင်းမြစ်များ

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

Yela 27:2

Dɛ nɛnchɔɡa balɔ ba lɔ tɔ n nɛ dɛɛ nyin bá kpo mɛ naa, baa lɔ naa dɛ́ choɡli.

Yela 37:40

O kpɔ nɔn dɛɛ tɔ ba nɛ, dɛɛ lɛɛ ba, o lɛɛ ba dɛɛ le nyubinikpeɡ tena nɔn ta, dɛkalkɛ, onee ba chwa kaa marɛ.

Yela 97:10

Nɛra baa hah wechɔɡa la, Korowii dɛ nyin ba wa. O kpɔ nɔn dɛɛ tɔ o nɛra ba wa aa dɔ kasinteŋ tɛo nɛ, dɛ lɛɛ ba dɛɛ le nyubinikpeɡ tena nɔn ta.

Aesaya 29:20

Nyubinikpeɡ tena aa lee do kpa, bammuɡli tena aa lee do kpa, nɛra ba sie aa swɛɛ wechɔɡa ta bwa, Korowii ɛɛ chɔɡ baa.

Aesaya 29:5

Kɛ he dɔma baa wara ɛɛ berɔɔ ɛ kɛŋɔ bomboɡ mohooh ken, ásɛ peu kpɔ kaa, nɛnlaa ba nyu bini aa kpeɡa he nɛɛ ɛ kɛŋɔ mea pɛɡa peu yon kpɔa ir kaa la. Aa ɛo warane wɔrɔbe nɛ,

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Jeremia 16:1

Belaa Korowii berɛ bol waa men Jeremia be ŋɔ,

Jeremia 20:13

Hé ɡo yela kpɛɛ Korowii. Hé jam Korowii. Onee lɛ nyaara dɛɛ le nyubinikpeɡ tena nɔn ta.

Jeremia 26:24

Kɛ ane a bwa, men Jeremia te dɔ n nyu di, dɛkalkɛ Safan bibaa Ahikam cha mɛ o ta ɡelɛ ba laɡ mɛ tɛ nɛra la ba kpo mɛ.

Jeremia 31:11

N ɡelɔ Israel tena di ba nyu, dɛ lɛɛ ba le harɛre nɛra baa kpeɡa kohona nɔn ta.

Jeremia 38:28

Anomanta, ba laɡ mɛ do dea n do koodem dembaah bela ka tel tɔpere Babelɔn laa tena aa baa yo Jerusalam tena dɛ pɔ ba nɛ.

Jeremia 39:11

Dɛ Babelɔn Kooro Nebukadnesa fa cheɡɛ men Jeremia nɛɛ dɛ do Nebusaradan waa chɔ laa tena baa dɛ daah kooro nyoa la ŋɔ,

Jeremia 39:12

“Kpɔɔ kaa dɛ́ kaa nyiŋi o nɛ, dɛɛ berɛ on hɔhɔrɔwa bɛlbwa ɛɛ, kɛ wobɛlbwa waa dɛ nyin la, ɛ tɛo.”

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

Daneɛl 3:25

Asɛ kooro ŋɔ o nomonome la be ŋɔ, “Hé nyiŋi na. N dɛ na nɛra banaarɛ baa valɛ nii la ta, ba ta ban vɔrɔwɛ, ba ta fueh ɡe. Onɔ la waa jaa naarɛ la dɛ le nyundua torome.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

2 Kɔrent 1:10

O lɛ yaa le siswɛm a fe aa chɛ kɛ ya sewɛ a ta la ta. O ta dɛ lɛ yaa. Ya kpɔ ya sie dawɛ o nɛɛ kɛŋɔ wɛɛ teŋɔɔ dɛɛ lɛ yaa.