Jeremia 14:8 - mzwDBL

⁸ He ɡbo nɛɛ ya Israel tena sie dawɛ, he ɡboo lɛ yaa dɛɛ le wenaale ta. Ɛrɛɛ he do kɛŋɔ hɔɔh harɛ nɔ ta kɛɛ nɛŋkaa waa baa so ya bini tɔpebeŋkpoŋ ɡbo nɔɔ?

Jeremia 14:8 ပူးပေါင်းရင်းမြစ်များ

Yela 10:1

N Naa Korowii, ɛrɛɛ n ne he baah do jaŋne ken nɔɔ? Ɛrɛɛ waa puu mɛ, he sɔɔh mɛ nɔɔ?

Yela 138:7

N ba dɛ na wahala kohona naa, henee kpɔ nɔn dɛɛ tɔ n nɛ. He dɛ yo n dɔma ba baah aa di n nɛ, dɛ che he kpeɡri ta dɛɛ lɛɛ mɛ.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 46:2

Dɛ harɛ jiɡro kwaraa, bwejena chuɡri ka le mpo vile ta,

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 71:5

Dɛkalkɛ Nemenɛ Korowii, he nɛɛ mɛɛ hwɛɡɛ, n kpɔ n te dawɛ he nɛ, dɛ le n bechale saŋ bwa.

Yela 9:9

Hen Korowiirii nɛra baa dɛ ɛɛ ba hɔhɔrɔwa la chwa baa marɛ. He do kɛ dekpeɡ waa balaa, nɛra chwa baa jo he be.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Aesaya 33:2

N Naa Korowii, na ya sum, he bee ya hwɛɡa bwa do. Nyiŋi ya nɛɛ he kpeɡri ne tɔpere bɛlbwa. Lɛ yaa dɛɛ le wenaale ta.

Aesaya 43:11

Menee Korowii, n ɡbosoroo, n habɔɔ, Lɛɛ bɛlbwa toole.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 45:15

Korowii Israel tena aa dɛ tomɔ wɛɛ lɛɛ ba la, o ɛ Korowii waa kpɔ o te dɛɛ sɔh.

Aesaya 45:21

Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Aesaya 63:8

Korowii ŋɔ, “N nɛraa ban, baa men neɡre.” A waa o lɛɛ ba le ba wenaale ta la.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Sekaria 9:12

Hé berɛ ba kaa, he nɛra baa lawɛ heyaa kaa bojaŋ harɛ ta, taraken he dɔ hwɛɡa, hé berɛ ba kaa he harɛ bosɔɔhna aa lɔ o ta. Taraken n dɛ ŋɔ he be, mɛɛ tɛ heyaa anɔ la haa paŋa la bele anɛɛ.

We-ɛɛla 28:20

A waa n ŋɔ a chɛ kɛ n na heya, ásɛ dɛ kpɔ bil he sie, dɛkalkɛ nɛn Juu tena bwa aa dɛ hwɛɡɛ o nɛɛ kɛŋɔ wɛɛ ba lɛ yaa la waa ba laɡ mɛ dɛ do mɛ jɔɡrɔre n nɔɔra nɔ.”

1 Timoti 1:1

Men Pɔɔl maa ɛ Yeesu Kristo torome laanee chwerɛ tɔn nɔ. Korowii waa ɛ ya Lɛɛ ne Yeesu Kristo yaa dɛ hwɛɡɛ o nɛɛ laanee do mɛ ŋɔ mɛ́ɛ bol o waa nɔ.

Sitɔɔla 19:17

Banjena la aa na hɔɔhra la bela bwɛɛ la tena aa dɛ cheme la, o bɔɔ ba ŋɔ, “Leperaa hɛɛ kaalɔ? Lee he leɔ?”