Jeremia 14:16 - mzwDBL

¹⁶ Laa ne lɔr la nomanta, nɛra baa bol ɡɛ waa nɔ baɡ ba la ɡe ɛɛ serewoo, ásɛ ba paa ba ta Jerusalam fɔɡbaahna. Nomɛlbwa aa lee do dɛ́ huɡe ba ne ba haahna ne bibaala dɛ bihaahna bwa. Mɛɛ ɡeloo ba dɔ ba nyubinikpeɡ baa ɛa la kembɔr kɛrɛdɛ.”

Jeremia 14:16 ပူးပေါင်းရင်းမြစ်များ

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Aesaya 51:20

He bii ɡwɛɡrɔ chɔ fɔɡbaahna, ba do kɛŋɔ kweɡla aa lɔ bel ta ken. Korowii baah di ba nɛ, aa noo ba kohona.

Aesaya 9:16

Nɛra baa tɔ nɛra la sie la, ɡelɔ baa koni, dɛ ɡel banɔ la baa teŋɛ ba nɛɛ la ɡe nyoɡre kwaraa.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Jeremia 20:6

Kɛ hen Pasur te, baa lawɛ he ne he dem tena bwaa kaa Babelɔn harɛ ta. Belaa hɛɛ ba sewa bá huɡe, he ne he bala haa teŋe nyosone kohona tɛɛ ba la bwa.’ ”

Jeremia 27:15

Korowii ɡbabir bolɔ ŋɔ o ta bɛlbwa tomɛ, asɛ ba che o sɔn ta dɛɛ teŋe nyosone la. Anomanta, o ŋɔ wɛɛ doŋi he bwaa, ásɛ ba kpoo heya, he ne keamere baa dɛ teŋɛ nyosone la bwa.”

Jeremia 4:18

Juda tena, he we-ɛɛla ne he liiree ɡela anɔ bwa ba he nɛ. Deŋnetɛra aa chɛ heyaa laanee. A dɛ we kɛrɛdɛ. Na ɡɛ aa jo he bini.”

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 7:33

Ba dɛ ba serewa chɔ dɛ́ ɛ kondikwaa tɛ jumbii ne kpɔɡ bini ola, nomɛlbwa aa wola lee do dɛ́ doŋa.

Jeremia 8:1

Korowii ŋɔ, “A ɡɛ saŋ la, baa pa Juda koranar ne nomonome, ne sɔfore ne Korowii keamere, dɛ banɔ la baa jaa dɛ fa so Jerusalam la hoɡaa le ba lalbɔɔne bini.

Jeremia 8:2

A fe aa chɛ kɛ bá boa a nyoa dɛ́ ka huɡa la, aa chɔɔ kɛŋɔ haahra aa ɡela harɛ ɛɛ do wer ken harɛ la bobɛlbwa. Baa pa hoɡa laanee nyenɛ, ásɛ wee ne korobie ne weweela aa do kɛ voɡare a ɡɛ nɛra nɔ aa nyina kohona dɛɛ toma, dɛ kaa bɔɔ ba nyu waa a be la ɛɛ lɔ a ta.

Jeremia 9:20

Belaa Jeremia ŋɔ, “Haahna, hé cheɡ deŋne Korowii be, dɛ́ɛ no waa waa dɛ bol. Hé chaɡle he bihaahna ɡɛ baa dɛ wi, ne he daamanar ɡɛ baa dɛ taa wiile.

Jeremia 9:22

Waa Korowii aa ŋɔa n bol laanee nɔ. ‘Nɛra serewɔ chɔ bobɛlbwa kɛŋɔ haahra aa chɔ kpɔɡ bini ken. A do kɛ nɛra aa kuuɡi boyu a daŋɛ chɔ ba habɔɔ nomɛlbwa aa wola toole dɛ́ boa a nyoa.’ ”

Ɛsekeɛl 39:14

Korobie anuanɛ habɔɔ la, baa le baalaa ba ɡaaɡe harɛ la ta bwa dɛ huɡe banɔ la baa wola ban nae huɡe la bwa, ásɛ dɛ laa harɛ la ta doŋa kpɔ.

Emɔs 7:17

Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Wepila 16:1

N berɔ no takpeɡ bɛl o le Korowii Dea la bini, dɛ ŋɔ nyundua toroma banuanɛ la be ŋɔ, “Hé kaa dɛ́ ka fuɡe Korowii bandia la aa lɔ loɡa anuanɛ bini la ta harɛ.”