Jeremia 14:14 - mzwDBL

¹⁴ Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 14:14 ပူးပေါင်းရင်းမြစ်များ

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Jeremia 20:6

Kɛ hen Pasur te, baa lawɛ he ne he dem tena bwaa kaa Babelɔn harɛ ta. Belaa hɛɛ ba sewa bá huɡe, he ne he bala haa teŋe nyosone kohona tɛɛ ba la bwa.’ ”

Jeremia 28:11

asɛ dɛ che nɛra la bwa sie dɛ ŋɔ, “Korowii bolɔ ŋɔ, ɡɛɛ wɛɛ ba o kuuɡi Babelɔn kooro kpeɡri waa do kɛŋɔ daa ba yon kpɔ dawɛ nae nɛɛ aa parɛ, Babelɔn kooro kpɔ dawɛ harɛre nɛra baŋa ta la. Bene anɛ ne tela dɛ ɡɛ waa nɔ ɛo.” Ate, Jeremia le bela dɛ kaa.

Jeremia 28:13

“Ir la ka ŋɔ Hanania be ŋɔ, ‘Haa wona ku daa la nomanta, buni konee dɛɛ ba ba chiɡ o naa ta.

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Jeremia 29:21

Waa men Koranar Bwa Kooro, Israel tena aa dɛ tom mɛ aa dɛ bol Kolaya bibaa Ahab, ne Maaseya bibaa Sedekia waa nɔ. N ŋɔ, ‘Ba cheɡɛ n sɔn ta dɛɛ teŋe nyosone anomanta, mɛɛ kpɔ baa do Babelɔn Kooro Nebukadnesa nɔn ta, ásɛ o kpoo ba he siwi ta.

Jeremia 29:31

“Kpɔ kala nɔ ka tɛ nɛra baa laɡ ba laa ta kaa harɛfale ta bojaŋ la. Ŋɔ Sɛmaya waa ɛ Nehelam te dɛ ba bol Korowii waa la baɡle la, n laa tomɔ, asɛ o neɡre dɛ ɡel he yarada waa aa ɛ nyosone.

Jeremia 37:19

He keamere baa ŋɔa ŋɔ Babelɔn kooro aa he harɛ nɔɔ ba yo la bɔkwa waa puu baɔ?

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Jeremia 8:11

Ba dɛ jaɡre n nɛra ŋwɛra dɛɛ liira kɛŋɔ a ɛ kure, anomanta, baa lii kɛ a ɛ sibeɡra. Dɛɛ bol ŋɔ, ‘Deŋnesɔɔhna, deŋnesɔɔhna,’ dɛ deŋnesɔɔhna bɛlbwa ɡe toole.

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Ɛsekeɛl 12:24

Wepila aa ɛ nyosone aa lee do kpa, kɛɛ nyosonwaa baa dɛ bola ŋɔ, aa bao kerekere aa Israel harɛ taa do kpa.

Ɛsekeɛl 13:2

“Nɛwɛnyini bie, kah Israel keamere baa kpɔ ba ɡbabir liire dɛɛ bol waa aa dɛ ba bala la. Ŋɔ ba be ŋɔ, bá cheɡ deŋne, dɛ́ no waa maa dɛ bol.”

Ɛsekeɛl 13:23

Haa wepila ne nyosonwaa aa dɛ ba bala laanee na kpa. Mɛɛ lɛ n nɛraa le he nɔn ta, ásɛ he jemɛ kɛŋɔ menee Korowii.’ ”

Ɛsekeɛl 21:29

Amɔn tena, he wepila haa dɛ naa, ne waa haa ŋɔa aa bao la bwa ɛ nyosone. He ɛ nɛnchɔɡa, he nyu bini kpeɡri. He tɔpere telo, he deŋnetɛra tɔpere la telo tonɛ.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Sekaria 13:3

Dɛ nomɛl dɛ teŋe nyosone ŋɔ waane ɛɛ chiɡuu kerekere aa, naate nya ne o mɛɛ ŋɔ o be ŋɔ, ‘A chɛ kɛŋɔ hé sewɛ, dɛkalkɛ he teŋe nyosone Korowii sɔn ta.’ O ta teŋɔ dɛɛ bol aa, o nya ne o mɛɛ ɡbaɡba tɔɡɔ kere kpo.

Mmarare 18:20

Dɛ keame bɛl ɡe baah suu ŋɔ wɛɛ che n sɔn taa dɛ́ bol waa maa wola on a ta doe, kɛɛ keame waa che voɡ bɛlbwa sɔn ta, dɛ́ bol waane la chɛ kɛŋɔ bá kpoo.’

1 Timoti 4:2

Nɛra baa kpɔ nyosone dɛɛ neɡre nɛra laanee kpɔ ɡɛ neɡra webaɡla la ɛɛ baɡle nɛra. Ba liire chɔɡɔ. Nɛra neɡra ne wechɔɡa man ba kɛŋɔ nɛn baa kpɔ buniwɔb chɔɡro a mano waa wola konwɔb ɔmɛ kpa la.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.