Jeremia 14:13 - mzwDBL

¹³ Anee n ŋɔ, “Nemenɛ Korowii, keamere la bane teŋɔ dɛɛ bol nɛra la be ŋɔ, baa laa kɛɛ lɔr bɛlbwa nae ba, dɛkalkɛ ba ŋɔ he baɡ ba nyoa ŋɔ deŋnesɔɔhna ɡboo dɛ́ do ya harɛ nɔ ta.”

Jeremia 14:13 ပူးပေါင်းရင်းမြစ်များ

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Jeremia 20:6

Kɛ hen Pasur te, baa lawɛ he ne he dem tena bwaa kaa Babelɔn harɛ ta. Belaa hɛɛ ba sewa bá huɡe, he ne he bala haa teŋe nyosone kohona tɛɛ ba la bwa.’ ”

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 37:19

He keamere baa ŋɔa ŋɔ Babelɔn kooro aa he harɛ nɔɔ ba yo la bɔkwa waa puu baɔ?

Jeremia 4:10

Anee men Jeremia ŋɔ, “Nemenɛ Korowii, he neɡre Jerusalam tena kohona. He ŋɔ baa dɔ deŋnesɔɔhnaa. Na ɡɛ kere aa jaɡɛ ba baŋa baa ba ba kpoora.”

Jeremia 5:12

Korowii nɛra teŋe nyosone ŋɔ, “Waa yaa wobɛlbwa ɛɛ ba. Yaa wekpeɡa bɛlbwa nae ba. Laa bɛlbwa aa ya nɛɛ ba, a ba ɛ kɛŋɔ lɔr kpo yaa yá serewe.

Jeremia 5:13

Korowii keamere la waa do kɛŋɔ peu aa taa baa kaa ken, Korowii waa la toole ba bini, anomanta, waa baa dɛ bol la ɛɛ ɡure ba nyu taa.”

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 6:14

Ba na n nɛra ŋwɛra dɛ ŋɔ kuree. Dɛɛ bol ŋɔ, ‘Deŋnesɔɔhna lole,’ kɛ dɛ deŋnesɔɔhna bɛlbwa toole.

Jeremia 8:11

Ba dɛ jaɡre n nɛra ŋwɛra dɛɛ liira kɛŋɔ a ɛ kure, anomanta, baa lii kɛ a ɛ sibeɡra. Dɛɛ bol ŋɔ, ‘Deŋnesɔɔhna, deŋnesɔɔhna,’ dɛ deŋnesɔɔhna bɛlbwa ɡe toole.

Ɛsekeɛl 12:24

Wepila aa ɛ nyosone aa lee do kpa, kɛɛ nyosonwaa baa dɛ bola ŋɔ, aa bao kerekere aa Israel harɛ taa do kpa.

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.