Jeremia 14:12 - mzwDBL

¹² A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 14:12 ပူးပေါင်းရင်းမြစ်များ

Job Tɔn 27:9

Korowii ɛɛ no ba wii ɡɛ saŋ wenaale aa ba ba nɛɛ yaa?

Sɛɡla 1:28

belaa hɛɛ ba men maa dɔ wejema nɔ yera, ásɛ n mwaa he bwa ne. Hɛ́ɛ ɡaaɡoo dɛɛ nyin n bɔr bobɛlbwa yalayala ken, kɛ haa men na.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Aesaya 58:3

Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 11:14

Jeremia, bɛ nɛra nɔ naa ta che soŋe le n be tɛɛ ba, dɛkalkɛ ba wio yer mɛ ba sibeɡre wee ta naa, maa ba bee no.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 21:6

Wɛɛ kpo nomɛlbwa waa soɡe bwɛjen la binii, nɛra ne ola bwa, ásɛ weechɔɡa kpoo ba bwa.

Jeremia 24:10

Laa ne lɔr, dɛ weechɔɡaa mɛɛ ba kpɔe ba ta ba nɛ, ka tel kɛŋɔ beŋkpoŋ kwaraa aa wola ka, harɛ maa kpɔa tɛ ba ne ba naawa la ta.’ ”

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Jeremia 8:13

Dɛ n dɛ nyin n boa nɛra nyoa, kɛŋɔ paa yon komɛ koo kondikwa dɛ boa a nyoa la ken. Kɛ ba do kɛŋɔ daa waa wola nɔna dɔe, kɛŋɔ fiɡ daa nɔna aa wola toole o ta ken, hale a papooni bwa hol. Anomanta, n ɡelɔ nɛŋhɔɔhra ba lɛ ba harɛ dɛ so o ta. Men Korowiirii bola.”

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Ɛsekeɛl 14:19

Kɛɛ dɛ n kpɔ weechɔɡa ta ba harɛ la ta, dɛ kpɔ bandia kohona kpoo nɛra ne kondɛɛra bwa,

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.

Emɔs 5:21

Korowii ŋɔ, “N hah he tɔpejena haa dɛ di la, n sie aa a ta lɛ kwaraa.

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

Wepila 6:8

Asɛ n nyiŋi dɛ jaaɡɔkɔl bɛl leɔ, asɛ nɛn so o ta baa yerɔ Seo. Bɛl ɡe le teŋɛ o nɛ, o ɡe sɔne Lalabwɛ. Ba tɛɛ ba kpeɡri bá kpɔ laa ne lɔr ne weechɔɡa ne kpɔɡ bini ola kpoo harɛ nɔ ta nɛra. He bɔne harɛ nɔ ta nɛra bwa bini bɔre anaarɛ naa, banɔ la baa tɛɛ ba kpeɡri bá kpo la ɛɛ tel bɔre anaarɛ la bini beŋkpoŋ nɛraa.