Jeremia 13:27 - mzwDBL

²⁷ N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Jeremia 13:27 ပူးပေါင်းရင်းမြစ်များ

Hosia 8:5

Suuɡaswɛm Samaria tena aa kpɔa ɛ nabale la ɡelɔ n baah di ba nɛ, bá kpɔ viɡri. Saŋ besoo baa ba voɡa toma ɡela ɔ?

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Aesaya 65:7

ba ne ba naawa bwa wechɔɡa baa ɛa wa. Dɛkalkɛŋɔ ba fuh daawiile voɡa ta deŋɡarere dor, dɛ chɛɡre mɛ bela. Anomanta, mɛɛ tɛr ba deŋnee ɡɛ aa chɛa, ba wechɔɡa baa ɛa dɛ le saŋ la bwa wa.”

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Wepila 8:13

N berɛ nyiŋi dɛ na kee bɛl waa dɛ ɡah nyundua dɛ kpɔ takpeɡ dɛɛ si, “Waa dɛ ba! Waa dɛ ba! Waa ɛɛ pu nɛra baa lɔ harɛ taa. Dɛ nyundua toroma batoro la baa kaa dɛ hoh ba bɛle la hoɔh waa, waa ɛɛ pu harɛ ta tenaa.”

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Sefania 3:1

Bwɛjen baa dɛ do ba nɛra hɔhɔrɔwa, dɛ ɛ deŋnekpeɡ tena dɛɛ ɛ wedoŋa la, ó bwɛɛlɛ!

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 24:6

Nemenɛ Korowii ŋɔ, ‘Bwɛjen Jerusalam nɛŋkpoa aa lɔ o ta kohona la bwɛɛlɛ. O do kɛŋɔ vii o bini aa deera ken, o doŋa la aa wola le. Tɔɔ ola baa chɛwa do o bini la beŋkpoŋa beŋkpoŋa le ó chɔ pɛɛ.

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 2:10

dɛ paɡru n sie. Dɛ ba chwerɛ wiile, wii ne wenaale waa do o sie ne o habɔɔ.

Aesaya 57:7

Bwejena doree he la dɛ ka kpoo kwaa dɛɛ ɛ saraha, dɛɛ di sɛm.

Yela 94:4

Ba dɛ bol mbarafo wobol, mbarafo ɡboo su wechɔɡ-ɛɛra bwa.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Yela 94:8

N nɛra, ɛrɛɛ hɛɛ ɡɛn ɡɛ nɔɔ? Saŋ besoo hɛɛ ba waa hwela ɔ?

Jeremia 11:15

N nɛra maa dɛ nyin ba ta ŋwɛnɛ dɔe dɛ́ so n Dea kpa. Ba ɡalɡa nyu bini kpeɡri, hale dɛ yon kpɔ n saraha kwaa ba fe aa fuh tɛ mɛ la le kaa. Kɛ dɛ n kpɔ wenaale ba ta ba nɛ aa, ba sie aa lɛ kpa.

Ɛsekeɛl 16:23

Bwɛɛlɛ! Men Nemenɛ Korowiirii bola. Anɔ la haa bera ɛ ja he wechɔɡa ta laanee kɛŋɔ,

Ɛsekeɛl 24:12

N ɛ wobɛlbwa dɛ ba kahonɛ, doŋa aa wara dɛ do o bini la ta wone le. Hale nii la ta wone le a ne.