Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 13:14 - mzwDBL

14 Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”

အခန်းကိုကြည့်ပါ။ ကော်ပီ




Jeremia 13:14
30 ပူးပေါင်းရင်းမြစ်များ  

Amɔn ne Moab laa tena pɛo, dɛ yo Edom laa tena dɛ kpoo ba bwa kwaraa. Baa kpoo ba tonɛ la, ba berɛ sie dɔŋa be dɛɛ kpoo dɔŋa, ka tel kɛŋɔ ba bwa aa tona.


Wɛɛ ba taɡ baa ta, waa wola ba nɛɛ sune, ba chwa dɛɛ le o be.


Hɛɛ di kora ba nɛɛ kpeɡri ne, hɛɛ pɔ ba nɛɛ dɛ́ ɛɛ ba kɛŋɔ, ba yon paɡre vii burbur la ken.’ ”


Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.


Korowii ŋɔ, “Jerusalam tena, umee dɛ́ sune he nɛɛ jaɔ? Nomɛl lole dɛ́ wi tɛ heya aa? Umee dɛ́ bɔɔ heyaa he bokpeɡa dɔe waa jaɔ?


He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.


Korowii berɔ ŋɔ men Jeremia be ŋɔ, “Lwe ba dem bɛl ta naa, bɛ bela jo. Bɛ lokua dɔ tɛ nomɛlbwa, maa andɛɛɡaa swee tɛ n nɛra ba dɔ deŋnesɔɔhna, kɛɛ dɛ baɡle n nyina kɛɛ dɛ sune ba nɛɛ kpa.


A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”


Ba nyɔɔ tonaa, baa dɛɛroo dɛɛ yɛɛɡe, asɛ choɡla chole ba nɛ, laa maa kpɔa dɛɛ ba ba nɛɛ la wa.”


Baa dɛɛ no jaɡre aa dɛ chwa nakpale sii, ne kwaa aa do kɛ torɔɡore kɔbare sii. Mɛɛnanar aa ke nyiŋi ba bii dɛ́ cha ba, dɛkalkɛ ɔmee chole ba nɛɛ kohona, baa wola won ɛ wobɛlbwa.


Anomanta, tɔpere bɛl dɛ ba ásɛ men Korowii tomɛ nɛra bá ba fuɡe Moab tena ta, kɛŋɔ baa dɛ fuɡe sen loŋa bini la ken. Komɛlbwa aa a bini kae ba, ásɛ ba paɡre a bwa.


Anomanta, mɛɛ ɡeloo ɡɛ nɛra nɔ lɔ naa dɛ́ choɡli. Lolanar ne ba bii ɛɛ serewoo, nɛra ne ba daamanar ɡe serewe.


Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.


Men Nemenɛ Korowii bola. Saŋ telo kɛŋɔ ń ɛ waa maa ɛ name. Maa sie laa kpɔ he wechɔɡa ta, maa he sum ɡee na. Hɛɛ dɔ deŋnetɛraa, waa haa ɛa la wa. Men Nemenɛ Korowiirii bola.’ ”


‘Israel tena he chɔɡa telo, n dɛ ba n bandia ne he nɛ, dɛ́ ba bol he waa dɛ́ tɛr he deŋne he wechɔɡa ne waa maa kia he ɛa la wa.


Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”


Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.


Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”


Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”


N taa dɛ no Korowii be la, o berɔ ŋɔ baala la ɡe be ŋɔ, “Hé teŋɛ o nɛɛ jo bwɛjen la bini, dɛ́ ka kpoo nɛra la. He bɛ bɛlbwa ɡel, he bɛ tedoma dɔ tɛ bɛlbwa.


Maa o bii waa nyin, dɛkalkɛ sɛmbiirii ban.


Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”


Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.


Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.


Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.


Kooro Sɔɔl laa tena baa dɛ daahno dɛ do Bɛnjamen harɛ ta Gebea la na Filisti tena kɛŋɔ baa wila, dɛ chwa sibeɡra ne bobɛlbwa dɛɛ kaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ