Jeremia 12:17 - mzwDBL

¹⁷ Dɛ harɛ bɛlbwa nɛra ta deŋne cheɡɛ dɛ no aa, mɛɛ le ba nee kɛŋɔ baa fuɡri dua ken, dɛ́ chɔɡ ba. Men Korowiirii bola.”

Jeremia 12:17 ပူးပေါင်းရင်းမြစ်များ

Aesaya 41:11

Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Aesaya 60:12

Harɛre nɛra baa ŋɔa baa heyaa tomɛ la, ba harɛre ɛɛ paɡroo dɛ́ chɔɡ kwara.

Jeremia 18:7

Dɛ saŋ bɛlbwa n ŋɔ mɛɛ chɔɡ harɛ bɛl nɛraa, dɛ́ paɡro dɛ́ kuuɡi o bwa,

Jeremia 31:28

Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken.

Ɛsekeɛl 19:12

Ba baah di o nɛɛ kohona, dɛ huɡru ɡo. Wee leebɔr peuwɔb tao dɛ ɡel o kpala la ne o nɔna la hol, nii fuh a bwa.

Daneɛl 11:4

Gɛ kooro la balaa, o harɛre waa dɛ di kora a ta la dɛ ba peɡra, dɛ bɔne bɔre anaarɛ. O naanar aa koraa dɔ di. Gɛ kooro la aa kpeɡrii dɔ kpa, dɛkalkɛ o kora la ɛɛ ɡuu, dɛ́ berɛ bane kon.

Maeka 5:14

Mɛɛ fuɡri voɡhaah Asera dajaŋaa le he bini, dɛ́ paɡre he bwɛjena.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,