Jeremia 12:15 - mzwDBL

¹⁵ A habɔɔ, mɛɛ berɔ dɔ tedoma tɛ ɡɛ nɛra nɔ bwa, dɛ́ berɛ ba ba ne ba buɡ ta. Ásɛ bɛlbwa kaa o nɛra bini, ne harɛ waa le o ta.

Jeremia 12:15 ပူးပေါင်းရင်းမြစ်များ

Jeremia 16:15

Kɛ baa berɔ ŋwɛɛ n sɔn taa ŋɔ men Korowii maa lole saŋ bɛlbwa laanee lawɛ Israel tena le weekaŋle nyunduabɔr harɛ ta, ne harɛre waa lɔ ba peɡre a ta la ta. Mɛɛ berɔ kpɔ ba ba harɛ ba ɡbaɡba aa le o ta, n kpɔ tɛ ba naawa la.”

Jeremia 24:6

Mɛɛ do sie ba bee ba wobɛlbwa ta, dɛ́ berɛ ba bane bonɔ, dɛ́ laɡ ba ir bá kpeɡ, maa ɡel ba chole, dɛ́ kwaa ba du, maa ban fuɡri ta kɛŋɔ dua.

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Jeremia 48:47

Kɛ tɔpera ane dɛ ba ásɛ n berɛ ɡel Moab harɛ do ɡɛ o fa aa doa ja. Men Korowiirii bola.” Bonɔɔ men Jeremia Korowii waa maa bola ŋɔ wɛɛ pa Moab tena bolchɔɡe la jaɡɛ.

Jeremia 49:39

Kɛ a habɔɔ la, mɛɛ berɔ ɡel Elam tena wobɛlbwa do wer tɛɛ ba. Men Korowiirii bola.”

Jeremia 49:6

Kɛ a habɔɔ la, mɛɛ berɔ ɡel Amɔn tena wobɛlbwa berɛ do wer tɛɛ ba. Men Korowiirii bola.”

Daneɛl 11:4

Gɛ kooro la balaa, o harɛre waa dɛ di kora a ta la dɛ ba peɡra, dɛ bɔne bɔre anaarɛ. O naanar aa koraa dɔ di. Gɛ kooro la aa kpeɡrii dɔ kpa, dɛkalkɛ o kora la ɛɛ ɡuu, dɛ́ berɛ bane kon.

Emɔs 9:14

Mɛɛ berɔ ba n nɛra Israel tena baa laɡ ba laa ta kaa bojaŋ harɛfale ta la nee, bá ba kwaa vɔrɔwe dimɡbeeni dɛ́ so a bini. Baa parɛ daa koonii, dɛ́ nyɔ a sen, dɛ́ parɛ bodɛɛɡa, dɛ́ di kondikwa baa parɛ la.

Nɛra Kura 32:18

Israel tena la bɛlbwa ɛɛ dɔ bɔr waa ɛ o konee mɔɔ ya laa berɛ kaa ya soŋnibɔra.

We-ɛɛla 15:16

‘A habɔɔ la, mɛɛ berɔɔ ba nyiŋi Devid kora waa ɡua kɛŋɔ dea waa kua chole la ta. Mɛɛ berɔɔ ir ba kora la kɛŋɔ dea waa chola ba kwaa mao la, dɛ́ tɛ ba naa bɛl kpeɡri ásɛ o di kora ja,

Mmarare 3:20

Hé cha he bala la ka tel kɛŋɔ Korowii aa tɛɛ ba bɔr bá so dɛ́ onɛ, ɡɛ waa tɛ heyaa nɔ, ba ɡe dɔ harɛ Korowii aa kpɔa tɛɛ ba o do Jɔɔdan Moo baŋ le. A habɔɔ la, bɛlbwa ɛɛ won kaa harɛ maa kpɔa tɛ heyaa la ta ja.’

Mmarare 30:3

ate Korowii haa dɛ tomɔ la ɛɛ dɔ tedomaa tɛ heya, dɛ le he ne harɛre waa lɔ heyaa peɡre a ta la ta, ásɛ he ba pɛ, dɛ́ berɛ ɡel he do wer.