Jeremia 11:23 - mzwDBL

²³ Ba bini bɛlbwa toole dɛɛ ba kae, dɛkalkɛ chɔɡa tentenee mɛɛ ba kpɔe ba ta Anatɔt baala nɛ, ba deŋnetɛra bena la ta.”

Jeremia 11:23 ပူးပေါင်းရင်းမြစ်များ

Jeremia 11:19

Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”

Jeremia 23:12

Anomanta, mɛɛ ɡeloo ŋwɛnɛre baa dɛ kpɔ a ta do vɔle, biro do o ta, ásɛ ba lɔ naa dɛ́ choɡli. Mɛɛ kpɔ wenaalee ba ta ba nɛ, ba deŋnetɛra tɔpere. Men Korowiirii bola.

Jeremia 44:27

Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.

Jeremia 46:21

Laa tena baa kaa yaɡ ba ŋɔ bá ba yo tɛɛ ba aa kpeɡe dɛ́ won yo, ba do kɛŋɔ nabiiri aa jea ken. Ba ɡe ɛɛ berɔɔ chwa kaa baa wola won che ba naa ta, dɛkalkɛ ba wenaale tɔpere la telo, saŋ telo kɛ bá dɔ deŋnetɛra.

Jeremia 48:44

Nomɛlbwa koh ɔmee kohona la waa chwa dɛɛ kaa laa, wɛɛ le bɔɔ binii. Bɛlbwa ɡe waa ŋɔ wɛɛ leo la, belii dɛɛ ba o lawa, dɛkalkɛ Moab tena deŋnetɛra saŋ telo ń kpɔ ba ta ba nɛ. Men Korowiirii bola.

Jeremia 5:29

A ta chɛ kɛŋɔ men Korowii tɛr ba deŋne waa nɔ wa aa? A ta chɛ kɛ ń bɔ harɛ waa do ken nɔ nɛra kem aa?

Jeremia 5:9

A ta chɛ kɛŋɔ ń tɛr ba deŋne waa nɔ wa aa? A ta chɛ kɛ n bɔ harɛ waa do ken nɔ nɛra kem aa? Men Korowiirii bola.

Jeremia 50:27

Hé kpoo ba laa tena bwa. Babelɔn tena bwɛɛlɛ! Ba deŋnetɛra tɔpere telo.”

Jeremia 6:9

Koranar Bwa Kooro bol n be ŋɔ, “Mɛɛ ɡeloo Israel dɔma ba pa ba harɛ komɛlbwa kɛŋɔ, baa chaa ɡrepo koo daa nɔna bwa le o ta ken. Gɛɛ a chɛ kɛ saŋ bɛl taa lole nɔ, hé cha nomɛlbwa.”

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Maeka 7:4

Ba bini nɛndɛɛɡe kwaraa do kɛŋɔ jabalnadaŋɛ. Onɔ la o wa aa toɡra ɡe do kɛŋɔ sɔɔh daa ken. Tɔpere telo kɛŋɔ Korowii tɛr ba deŋne ɡɛ waa cheɡɛ keamere baa dɛ daah ba nɛɛ kah ba la, ba wilo taraken kwara.

Amanesoma Luk Aa Chwera Tɔn 19:44

Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”