Jeremia 11:21 - mzwDBL

²¹ Anomanta, Korowii ŋɔ Anatɔt baala bane ŋɔ n bɛ Korowii waa bol o sɔn ta, ɡɛ laa aa baa kpo mɛɛ.”

Jeremia 11:21 ပူးပေါင်းရင်းမြစ်များ

Emɔs 2:12

Kɛ he ɡelɔ Nasiri tena nyɔ sen, dɛ do n keamere ŋɔ ba bɛ n waa aa dɛ ba bala la ka bol.

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Amanesoma Luk Aa Chwera Tɔn 4:24

Dɛ ŋɔ ba be ŋɔ, “Kasinteŋ, Korowii keame ta sɔn dɔe o ɡbaɡba bwɛ.

Matiu 22:6

asɛ ba kar la ɡe lawɛ o bonɔɔna waa tom ba la dɛ ɛɛ ba hɔhɔrɔwa dɛ kpoo ba.

Matiu 21:35

Anee nɛra la lawɛ bonɔɔna la, dɛ lɔɔ bɛl, dɛ kpo bɛl, asɛ dɛ foɡre bɛl ɡe bwea.

Matiu 10:21

Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.

Maeka 7:6

Bibaa ne o mɛɛ ɛɛ dɔmoo, bihaah ne o nya dɔm, ásɛ bihaah ne o helahaah ɡe dɔm, ásɛ nɛn lolanar berɛ o dɔma.

Jeremia 26:8

Maa dena tonɛ waa Korowii aa do mɛ ŋɔ ń bol baɡ ba la, sɔfore la ne Korowii keamere dɛ nɛra la bwa baa laɡ mɛ dɛ ŋɔ, “He chɛ kpoe!

Jeremia 1:1

Baa bɛl sɔne Hilkia, dɛ o ɛ sɔfore baa lɔ Anatɔt la bɛl, dɛ do Bɛnjamen dea harɛ ta. O bibaa sɔne Jeremia, Jeremia waa waa bola laanee teŋa nɔ.

Jeremia 32:7

“He mɛɛ nime Hanamɛl waa ɛ Salum bibaa la ɛɛ ba he bee dɛ́ ba soŋe, hé yawɛ o koo waa lɔ Anatɔt Bɛnjamen harɛ ta. Dɛkalkɛ henee ɛ o lole tenten dɛ dɔ ŋwɛnɛ kɛ he yawɛ harɛ la.”

Jeremia 34:20

mɛɛ laɡ baa tɛ ba dɔma baa dɛ nyin ba dɛ kpoo laanee. Ásɛ ba ola berɛ kondikwa tɛ jumbii ne kpɔɡ bini ola.

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”