Jeremia 11:20 - mzwDBL

²⁰ Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.

Jeremia 11:20 ပူးပေါင်းရင်းမြစ်များ

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

2 Koranar 19:14

Ate, Kooro Hɛsɛkea lɛ tɔn la dɛ kure, dɛ kpɔ la Korowii Dea, dɛ ka laa paɡri bil Korowii sie.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Job Tɔn 5:8

Kɛ dɛ menee yaa, n fe ɛɛ soŋe Korowiirii, dɛ́ kpɔ n waa bil o sie.

Yela 139:23

N Naa Korowii, pese mɛ kɛrɛdɛ, dɛ́ jemɛ n liire, daah mɛ na, dɛ́ jemɛ n nyu bini.

Yela 35:2

Kpɔ he dɔmkwa tɔ mɛ ɡbemɡbe, ásɛ dɛ lɛɛ mɛ.

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 58:10

Nɛra ba wa aa toɡra sie ɛɛ lɛo kɛŋɔ wechɔɡ-ɛɛra aa dɔ deŋnetɛra, baa valɛ ba chal taa.

Yela 7:10

Nemenɛ Korowiirii dɛɛ tɔ mɛ ɡbemɡbe, on dɛɛ lɛ nɛra baa dɛ teŋɛ o waa ta.

Yela 7:8

Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Yela 98:9

dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 12:3

N Naa Korowii, kɛ ane a bwa, he jem mɛ, he dɛ na mɛ dɛ jemɛ ɡɛ he waa aa lɔ n bini. Tɛɡre nɛnchɔɡa la kɛŋɔ peera baa dɛ la ka kpoora! Lee ba cheɡ ka tel saŋ baa kpoo ba!

Jeremia 15:15

Belaa men Jeremia ŋɔ, “N Naa Korowii, he ɡbabir jemɛ waa nɔ mun, lii n wa, dɛ́ nyiŋi n nɛ. Bɔ n dɔma baa dɛ nyin mɛ dɛ́ kpo kem. Bɛ so nyiŋi bá dɔ bɔr dɛ́ ba kpo mɛ, dɛ́ na kɛŋɔ he waa mɛɛ na anɔ bwa.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Jeremia 20:12

Koranar Bwa Kooro, henee dɛɛ nyiŋi nɛn o wa aa toɡra bini, dɛ jemɛ waa aa lɔ o bambile ne o liire bini. Anomanta, ɡel n na kembɔr haa kpɔ tɛ n dɔma, dɛkalkɛ he nɔn taa n kpɔ n waa do.

Wiile 3:58

N Naa Korowii, he baa che n habɔɔ dɛ lɛɛ mɛ.

Wiile 3:59

N Naa Korowii, he ɡbabir na wechɔɡa baa kpɔa ɛɛ mɛ. Ba bol n waa tɛ mɛ.

Wiile 3:64

N Naa Korowii, tɛr ba deŋne ɡɛ aa chɛa, ba waa baa ɛa la wa.

Ɛsekeɛl 11:5

Korowii Doma la baa so n nɛ, asɛ dɛ ŋɔ ń bol Israel tena be ŋɔ, “N jemɛ waa haa dɛ bol, ne anɔ la haa dɛ vɔrɔwe bwa ɡe.

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

2 Timoti 4:14

Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”

1 Samoɛl 24:15

Korowiirii dɛ́ bol n ne he baah waa dɛ́ na naate waa di bolchɔɡe. Onee dɛ́ nyiŋi waa nɔ ta ásɛ dɛ cha mɛ, dɛ́ lɛɛ mɛ le he nɔn ta.”