Jeremia 11:15 - mzwDBL

¹⁵ N nɛra maa dɛ nyin ba ta ŋwɛnɛ dɔe dɛ́ so n Dea kpa. Ba ɡalɡa nyu bini kpeɡri, hale dɛ yon kpɔ n saraha kwaa ba fe aa fuh tɛ mɛ la le kaa. Kɛ dɛ n kpɔ wenaale ba ta ba nɛ aa, ba sie aa lɛ kpa.

Jeremia 11:15 ပူးပေါင်းရင်းမြစ်များ

Yela 50:16

Kɛ Korowii ŋɔ wechɔɡ-ɛɛra la be ŋɔ, “Ɛrɛɛ me Mmarare dawɛ he nyoo hɛɛ kura, kɛɛ hɛɛ bol n ne he fɔo la waa nɔɔ?

Yela 60:5

Lɛ yaa he kpeɡri ne, dɛ́ no ya wesoŋa, ɡɛ aa ɛ he lɛ nɛra haa dɛ nyin ba la.

Sɛɡla 10:23

Gɛne siee dɛɛ lɛ wechɔɡa ta, kɛ nɛn waa dɛ no waa mun te, o sie dɛ lɛ wejemwaa ta.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 2:14

nɛra ba sie aa dɛ lɛ wechɔɡa ɛɛ ta, ne banɔ la ba sie aa dɛ lɛ waa aa wola mun dɔe ta.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Sɛɡla 26:18

Choɡla te waa dɛ ta hɛma nii naa lɔ a nyoa dɛɛ kpoo nɛra la,

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Jeremia 23:11

Korowii ŋɔ, “Keamere la ne sɔfore bwa aa men duu, hale n Dea bela, ba dɛ ɛ wechɔɡa.

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Hosia 3:1

Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”

Matiu 22:11

Kooro la aa dɛ jam hɔɔhra la aa baa cheme bela la, o na baa bɛl ba bini kɛ o te ta laala aa chɛ kɛŋɔ ó do dɛ ba hanfale dem bela la ane doe.

Amanesoma Luk Aa Chwera Tɔn 8:28

Gɛ baa nɔ aa na Yeesu la, o chwao dɛ ba ɡuŋi o sie, dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N dɛ soŋe, bɛ men weweele do.”

Tɔn Pɔɔl Aa Chwerɛ Rom Tena 11:28

Israel tena aa vɛh Yeesu Amanesoma la nomanta, ba berɛ Korowii dɔma, asɛ a le wedɛɛɡa tɛ heya. Kɛ baa ɛ nɛra Korowii aa chal ba la nomanta, o ta dɛ nyin ba taeh. Nyoa waa baɡɛ ba naawa la, a waa o taa nyin ba la.

1 Kɔrent 13:6

Kasinteŋii dɛɛ lɛ o sie. O sie aa wechɔɡa ta lɛ.

Taetos 1:15

He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.

Jems 4:16

Kɛ taraken he dɛ ɛ mbarafo kɛ he ɡbo ɛɛ wonoo ɛ ɡɛ haa dɛ nyin. A ɡɛ waa la bwa ɛ wechɔɡa.