Jeremia 11:14 - mzwDBL

¹⁴ Jeremia, bɛ nɛra nɔ naa ta che soŋe le n be tɛɛ ba, dɛkalkɛ ba wio yer mɛ ba sibeɡre wee ta naa, maa ba bee no.

Jeremia 11:14 ပူးပေါင်းရင်းမြစ်များ

Yela 66:18

Dɛ n vɛh n wechɔɡa bola aa, Korowii fe ta n be noɛ.

Kaala 32:10

Anomanta, ɡel mɛ jeiih ken. N baah ɛɛ di ba nɛɛ taeh ásɛ n chɔɡ ba. Kɛ he te, mɛɛ ɡeloo he naanar ya, dɛ́ warɛ su harɛ ta bwa.”

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 14:11

Belaa Korowii ŋɔ men Jeremia be ŋɔ, “Dɛɛ berɛ wedɛɛɡa soŋa dɛ́ tɛ a ɡɛ nɛra nɔ.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 7:16

Belaa Korowii ŋɔ, “Jeremia, bɛ wobɛlbwa soŋe tɛ nɛra nɔ, dɛɛ berɛ ba naa ta cheɡa soŋe ba wechɔɡa n be tɛɛ ba. Dɛkalkɛ maa he bee no.

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.