Jeremia 10:10 - mzwDBL

¹⁰ Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 10:10 ပူးပေါင်းရင်းမြစ်များ

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Yela 42:2

Korowii haa lole saŋ bɛlbwa, n dɛ nyini kɛ nyɔɡre aa dɛ kpo nɛn ken. Bɛweeree ń won ba he sie, dɛ́ ba tomɛ nɔ?

Yela 100:5

Korowii waa wer, o nyina waa dɛ nyin yaa ne o kasinteŋ lole saŋ bɛlbwa dɛɛ la.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Yela 31:5

He nɔn taa n kpɔ n lileo do, N Naa Korowii, he waa dɔ kasinteŋ, lɛɛ mɛ.

Yela 10:16

N Naa Korowii, henee kooro saŋ bɛlbwa dɛɛ la. Nɛra baa dɛ tomɛ voɡa ɛɛ heo le he harɛ ta.

Yela 18:7

Harɛ jiɡro dɛ yiiɡi, asɛ bwejena mune jiɡri. Korowii bandia waa a bwa ɛ ɡɛ.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Hibru 10:31

Wobɛlbwa toole dɛ do ɔma, kɛŋɔ haa ɛ wechɔɡ-ɛɛ dɛ jo Korowii waa lole saŋ bɛlbwa la nɔn ta.

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Malakae 3:2

Umee dɛ́ won che o sie o bala tɔpere la ta nɔ? Umee dɛ́ won le a nyoa ɔ? Wɛɛ ɛo kɛŋɔ nii baa kpɔa dɛɛ mwɛɛ bune dɛ laa doŋa dɛɛ kpɔ a ta, kɛɛ simina waa nyɛɡa ken.

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.

Maeka 1:4

Asɛ bwejena bwa mwɛɛ o lɔɡa, kɛŋɔ tohkel aa chɔŋɛ nii ta, dɛ palɛ dɛɛ jo fɛlembɔjena bini kɛŋɔ bɔchuubu ken.

Yela 146:6

Korowiirii ta nyundua ne harɛ, mpo ne kwaa aa lɔ a ta bwa. O dɛ teŋɛ o nyobaɡa ta saŋ bɛlbwa.

Yela 145:13

He kora dii ta jaɡa dɔe, hɛɛ di koraa saŋ bɛlbwaa dɛɛ la. N Naa Korowii, he waa dɔ kasinteŋ hɛɛ teŋɛ he nyobaɡa ta, dɛ dɔ nyina tɛ kwaa haa taa bwa.

Yela 114:7

Hárɛ, jiɡri Korowii sie, Korowii Jekɔb aa dɛ tomɔ sie.

Yela 104:32

O nyiŋi harɛ aa, o dɛ jiɡri, o leɡe bwejena chuu ɛɛ le a ta.

Yela 97:4

Nii la dɛ lawɛ kohona kɛŋɔ bwaala nyɛɡla ken, asɛ harɛ nɔ ta nɛra na dɛɛ chel.

Yela 93:2

Saŋ la bwaa he kora le. Mɔɔ wobɛlbwa pa mun la, dɛ he lole.

Yela 90:11

Umee nyɔ he bandia danana nee kaɔ? Umee jemɛ ɔmee aa lɔ he bandia kohona ta nɔ?

Yela 84:2

Bela waa dɛ ɛɛ mɛ taeh! N dɛ nyin kɛ n fe aa lɔ he Dea. Mɛɛ ɡo silɛɛ yela n bambile bwa nee tɛ Korowii waa lole saŋ bɛlbwa la.

Yela 77:18

He ɡelɔ bwaala nyɛɡle dɛɛ kɔɡre kohona, dɛɛ nyɛɡle harɛ nɔ ta bwa, asɛ harɛ jiɡri.

Job Tɔn 9:6

Korowii ɡelɔ harɛ ɛɛ jiɡri dɛ́ le o buɡ ta, ásɛ kwaa waa chɔŋɛ a ta, a do kɛ pilare la ɛɛ yiiɡi.

2 Webena 15:3

Israel tena soɡo la sie baa wola kasinteŋ Korowii tomɛ. Ba ta sɔfore dɔe bá baɡ ba wa, baa Korowii Mmara ɡe jemɛ.

1 Koranar 18:39

Nɛra la aa na ɡɛ la, ba cholo dɛ kpɔ sie piiɡi harɛ, dɛɛ dooɡe lɔŋɔre ŋɔ, “Korowiirii ya Dɔɔ! O ɡbosoroo chɛ toma!”

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

Sitɔɔla 5:4

N Naa Korowii, haa le Sɛɛ Bwejen ta Edom harɛ ta la, harɛ jiɡro baama tɔ, asɛ bwaala nee fuɡe le nyundua.

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Joel 2:11

Korowii tɔ o laa tena sie dɛ nyɛɡ, a do kɛŋɔ bwaala aa kɔra ken, o laa tena la ta nyoa dɔe, ba ɛ banyoola dɛɛ no o deŋna wa. Tɔpere Korowii aa lea cheɡ la ɔma kohona. Umee dɛ́ won che a nyoa ɔ?

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 4:3

Korowii nyokpowe-ɛɛla waa ɛa tɛ yaa ta nyoa dɔe. O waa waa dɛ ɛ ɡe kan taeh. O kora ta jaɡa dɔe, wɛɛ di koraa saŋ bɛlbwaa dɛɛ la.

Jeremia 23:36

Anomanta, ba bɛ waa aa ɡwaala Korowii kpɔ dawɛ ba nɛɛ la waa bol kpa, dɛkalkɛ dɛ bɛlbwa ɛ ɡɛ naa, mɛɛ ɡeloo n waa la do kɛŋɔ bontɔɡa ɡbaɡba dawɛ o nɛ. Ba berɛ Korowii baa dɛ tomɔ waa la sie, Korowii waa lole saŋ bɛlbwa dɛ ɛ Koranar Bwa Kooro la.

Aesaya 37:17

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Yela 68:11

Korowii bol wa, ásɛ haahna warɛ kohona dɛ́ kaa bola ŋɔ,

Mumpar 21:33

Asɛ Abraham chɔɔ daa bɛl Beɛseeba bela, dɛɛ tomɛ Korowii waa lole saŋ bɛlbwa la bela.

1 Koranar 8:60

ásɛ harɛre nɛra bwa jemɛ kɛŋɔ he ɡboo Korowii.

Yela 29:10

Korowii dɛ di kora mpo vile ta, o dɛ di kora saŋ bɛlbwa dɛɛ la.

Yela 68:8

harɛ jiɡro asɛ bwaala nɛ he sie. Henee Sinai Bwejen Dɔɔ, Korowii Israel tena aa dɛ tomɛ.

Yela 90:2

Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

Aesaya 40:15

Harɛ nɔ ta nɛra do tamaa kɛŋɔ bokiti bini nee aa kora le kerabeŋkpoŋ ken Korowii be. Ba do kɛŋɔ tutuɡ aa dawɛ kon baa kpɔa dɛɛ kari kwaa tɔɡre ta ken. O dɛ kari ekwie harɛre a do fɛɡre o siwi ta kɛŋɔ tutuɡ ken.

Aesaya 65:16

Nomɛlbwa dɛ nyin kɛ o swee andɛɛɡa harɛ la ta naa, ó soŋe le men Kasinteŋ Korowii be. Wahala aa lɔ he nɛɛ wubwa ɛɛ tonɔɔ, he soh a wa.”

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Jeremia 4:24

N berɔ nyiŋi bwejena dɛ a dɛ jiɡri, asɛ deŋɡarere bwa ɡe ɛɛ yiiɡi.

Jeremia 50:46

Babelɔn harɛ baa paɡre tonaa, harɛ ɛɛ jiɡruu, ásɛ harɛre nɛra ɛɛ no Babelɔn tena lɔŋɔre.”

Jeremia 51:29

Harɛ la jiɡro, dɛkalkɛ waa Korowii aa maɡla bil la telo kɛŋɔ Babelɔn harɛ chɔ pɛɛ, ásɛ nomɛlbwa aa won so bela kpa.

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

Yela 9:8

Hɛɛ bol harɛ nɔ ta nɛra waa a toɡre, dɛ di kora aŋwɛnɛ ta.

Yela 74:12

N Naa Korowii, henee Kooro le saŋ la bwa, henee bala dɛ́ ba lɛ harɛ nɔ ta nɛra.

Yela 76:8

Nyundua he che bol nɛra waa dɛɛ pa bole, asɛ harɛ nɔ ta nɛra ɔmɛ dɛ hel jeih ken,

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Daneɛl 6:27

Onee dɛɛ lɛ nɛn dɛ ɡel o dɔ o nyu dɛɛ di, dɛɛ ɛ nyokpowa, o we-ɛɛla ɡe do kan nyundua ne harɛ bwa. Onee lɛ Daneɛl nyujentena nɔn ta aa wola on kpoe.”

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.