Jems 5:3 - mzwDBL

³ He suuɡaswɛm ne suuɡapoŋa bwa ɡe deero. Awola Korowii aa dɛ ba he waa bola la, he suuɡare aa deera la ɛɛ ɛ danseɛ kɛŋɔ he ɛ wechɔɡa, dɛ́ we heyaa kɛŋɔ nii ken. Bɔkwaa hɛɛ cheɡ suuɡa tɔpera aa ka mun nɔ ta dɛ́ ɛɔ?

Jems 5:3 ပူးပေါင်းရင်းမြစ်များ

Mumpar 31:48

Belaa Laban ŋɔ Jekɔb be ŋɔ, “Bwea nɔ aa darawe dɔŋa nɛɛ nɔɔ dɛ́ lii ya nɛra banɛ nɔ fɔo la.” A waa ba pa bela sɔn Galiid, o munii danseɛ bwea la.

Mumpar 31:52

Bwea aa darawe dɔŋa nɛɛ nɔ ne onɔ maa kpɔa pa nɔɔ dɛɛ ba chɔe dɛ lii yaa. Maa bwea nɔɔ ɡale dɛ́ ba yoi, hé ɡe bɛ an ɡale dɛ́ ba yoo mɛ.

Mumpar 49:1

Jekɔb yerɛ o bibaala asɛ dɛ ŋɔ, “Hé bwa ba cheme, ásɛ n baɡle heyaa waa aa dɛ ba he nɛɛ bala kerekere.

Job Tɔn 16:8

He laɡ mɛ dɛ ɛɛ mɛ dɔm, n ɡwaŋɔ dɛ ka hoɡa ɡbo nɛra cheɡɛ ɡɛ ta, dɛ pa mɛ bolchɔɡe.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Jeremia 19:9

Ba dɔma ɛɛ ba bar bwɛjen laanee dɛɛ nyin dɛ́ kpo o bini nɛra. Kwaa baa ma dɛ́ che a ta jo ba be ɛɛ do ɔmaa kohona, a ɡel lɔr chole o nɛra nɛ, ásɛ ba kpoo dɔŋa dɛɛ chwe, hale ba bibaala ne bihaahna bwa.’ ”

Maeka 3:3

He dɛ chwe ba ola dɛɛ swe ba bɔtɔne, dɛ chɛwɛ ba hoɡa jeɡrejeɡre, kɛŋɔ ba yon chɛwɛ ola do vii bini la ken.”

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

We-ɛɛla 2:17

‘Korowii ŋɔ, Harɛ chɔɡa tɔpera aa ka mun ta la, mɛɛ tɛ nɛra bwa soo siwi n Domadɛɛɡe la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

2 Timoti 2:17

Ba webaɡla dɛ yɛɛ dɛɛ chɔɡ nɛra, ɡɛ ŋwɛrchɔɡe yon yɛ dɛ́ chɔɡ nɛn bwadabii la. Haemenayɔs ne Faeletɔs ja ɡɛ nɛra baa dɛ ɛ ɡɛ waa nɔ nɛ.

Josua 24:27

Dɛ ŋɔ ba be ŋɔ, “Hé na, bwe nɔɔ ɛ ya bwa danseɛ, o no wobɛlbwa Korowii aa bol ya be. Wɛɛ ɛ danseɛɛ, dɛ he baa le habɔɔ ŋɔ haa Korowii tomɛ kpa aa, o le heyaa tɛ.”

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.

Wepila 17:16

Nyeɡlare fi la haa naa a che tɛ koranar fi la ne olchɔɡe la ɛɛ hah hanjwamane laanee, dɛ́ foo o bwara komɛlbwa, dɛ́ ɡelo dakpaŋ ɡɛ. Baa chwe o olii, ásɛ dɛ fuh o kabora,

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”