Sitɔɔla 9:7 - mzwDBL

⁷ Jotam aa no waa nɔ la, o teeh Geresim Bwejen dɛ ka che o doa, dɛ kpɔ takpeɡ sɛɡ ba ŋɔ, “Sɛkem tena, hé no n be ásɛ Korowii ɡe no he wa.

Sitɔɔla 9:7 ပူးပေါင်းရင်းမြစ်များ

Mumpar 37:6

O ŋɔ ba be ŋɔ, “Hé cheɡ deŋne dɛ́ no n deera nɔ.

Sɛɡla 21:13

He laa deŋna kpɔ nyaa wii waa dɛ wi ta naa, he ɡe ɛɛ baa wiu, haa nɛnee dɔ ó lɛɛ.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Amanesoma Jɔn Aa Chwera Tɔn 4:20

Bwe nɔ taa ya Samaria tena naawa faa tomɛ Korowii saŋ la. Aah ɛrɛ waa he Juu tena ŋɔ Jerusalamee chɛ Korowii toma nɔɔ?”

Mmarare 11:29

Dɛ Korowii baa tel he ne harɛ haa dɛ́ la ka kpɔ so la ta naa, hé bol wedɛɛɡa waa Geresim Bwejen ta, dɛ́ berɛ bol nyotaahna waa Ebal Bwejen la ɡe ta.

Mmarare 11:30

Gɛ bwejena nɔ lɔ Jɔɔdan Moo ŋwɛnɛ wee cholibɔr, Araba Fɛlembɔjen bela Keenan tena aa soɡa harɛ ta. A bɛne More dajena Gelɡal sideŋ.

Mmarare 27:12

“Dɛ he baa ɛɡɛ Jɔɔdan Moo la le tonaa, Simeon ne Lewi ne Juda, ne Isaaka ne Josef dɛ Bɛnjamen deene tena che Geresim Bwejen ta, dɛ́ soŋe andɛɛɡa tɛ nɛra la bwa.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Josua 8:33

Dɛ Israel tena bwa, hɔɔhra ne deela, koranar ne nomonome, dɛ ba bini nɛra baa bol waa dɛɛ pa bole bwa kaa che Korowii Ne Nɛwɛnyina Fɔo Daka la baŋne anɛ ta, ba sie chaɡɛ Lewi dea sɔfore baa cheɡɛ daka la. Nɛra la bini bane cheɡɔ ba habɔɔ chaɡɛ Geresim Bwejen la, asɛ ba pera ɡe che ba habɔɔ chaɡɛ Ebal Bwejen la. Ba cheɡɔ ɡɛ Korowii bonɔɔ Mosis aa do ba la, asɛ Korowii ɡel sɔfore la swee andɛɛɡa tɛɛ ba.

Sitɔɔla 9:6

Ate, nɛra baa lɔ Sɛkem ne Bɛt Milo cheme pila bɛl jwɛh dajen la mun, dɛɛ ba Abemɛlɛk kora ta cheɡa.

Sitɔɔla 9:8

Awola bɛl, daa bwa kaa cheme dɛ ŋɔ a dɛ cheɡ a kooro. A ŋɔ ɔleve daa be ŋɔ ó ɛ a kooro.