Sitɔɔla 9:5 - mzwDBL

⁵ Abemɛlɛk la o mɛɛ Gedeɔn bwɛɛ Ofra, dɛ ka kpoo o mɛɛ bii fifraanuanɛ baa ɛ o dɔɔranar ne nimanar bwetal bɛl ta. Kɛ ba bini bechala baa dɛ yerɔ Jotam la kpɔ o te sɔh.

Sitɔɔla 9:5 ပူးပေါင်းရင်းမြစ်များ

1 Koranar 1:12

Taraken n dɛ jae kɛŋɔ, dɛ he dɛ nyin he ne he bie nyu tenaa, amɔ te no waa maa dɛ ba he be bola nɔ.

1 Koranar 1:21

Dɛ ɡɛ laa aa, he seo habɔɔ la, baa ɛ n ne n bie Solomɔnee kɛŋɔ nɛnchɔɡa ken.”

2 Koranar 10:17

Baa tel Samaria la, Kooro Jehu kpoo Kooro Ahab nɛra baa kaa dɛ do bela la bwa. Beŋkpoŋ kwaraa ta kae, ɡɛ Korowii aa cheɡɛ o keame Elaeja nɛɛ dɛ bol la.

2 Koranar 10:7

Tɔn la aa tel ba be la, ba lawɛ koobii fifraanuanɛ la, dɛ teŋni ba nyuune, dɛ pa do wɛɡrɛre bini, dɛ kpɔ la Jesreel ka tɛ Kooro Jehu.

2 Koranar 11:3

Jehoseba kpɔ Joas sɔh Korowii Dea bela bene anumɛl, ɡɛ saŋ haŋkooro Atalia aa dɛ nyiŋi harɛ la ta la.

2 Webena 21:4

Kooro Jehoram kora aa baa che kiŋkiŋ la, o kpoo o nimanar la ne Israel nomonome bane.

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Matiu 2:20

Nyundua torome la ŋɔ o be ŋɔ, “Ir, dɛ́ kpɔ bie la ne o nya hé kaa Israel harɛ ta ja, dɛkalkɛ naate waa dɛ nyin bie la dɛ́ kpo la sewɔ.”

Sitɔɔla 6:11

Awola bɛl, Korowii nyundua torome baa so dajen bɛl mun bwɛɛ Ofra. Gɛ daa la ɛ Abeɛsa te baa dɛ yerɔ Joas kon. Dɛ o bibaa Gedeɔn sɔɔh dɛɛ lɔ mea daa la mun bobɛl baa dɛ harame daa nɔna baa kpɔa dɛɛ ɛ sen, ásɛ Midian tena la bɛ on na.

Sitɔɔla 6:24

Anomanta, Gedeɔn ɛ kon baa dɛ ɛ saraha o ta tɛ Korowii bela dɛ pa o sɔn ŋɔ, ‘Korowiirii Deŋnesɔɔhna’. Kpoŋe ba le fini, kon la ta cheɡɛ Abeɛsa dea tena bwɛɛ Ofra.

Sitɔɔla 8:30

Dɛ o haahna warɔ, anomanta, o bibaala lɔ fifraanuanɛ.

Sitɔɔla 9:18

Kɛ fini, he cheɡɛ n mɛɛ dem tena nɛɛ dɛ kpoo o bibaala fifraanuanɛ bwe beŋkpoŋ ta, asɛ dɛ ɡel o yomhaah bibaa Abemɛlɛk di kora Sɛkem tena nɛ, waa ɛ he lole la nomanta.

Sitɔɔla 9:2

“Umee hɛɛ nyin kɛ ó ɛ he kooro ɔ? Gedeɔn bibaala fifraanuanɛ la kɛɛ nɛmbeŋkpoŋ ɔ? Hé jemɛ kɛ n ɛ he bini bɛl.”

Sitɔɔla 9:6

Ate, nɛra baa lɔ Sɛkem ne Bɛt Milo cheme pila bɛl jwɛh dajen la mun, dɛɛ ba Abemɛlɛk kora ta cheɡa.