Sitɔɔla 9:27 - mzwDBL

²⁷ Ba kaa chaa ba ɡrepo nɔna dɛ harame a nee dɛ kpɔ ɛ sen. Asɛ ba tɔpejen bɛl ta, ba ka so ba voɡ dea dɛ di kwaa dɛɛ nyɔ sen asɛ dɛ taah Abemɛlɛk.

Sitɔɔla 9:27 ပူးပေါင်းရင်းမြစ်များ

Yela 109:17

N dɔm la dɛ nyin nɛra taahna, ɡel o taahna ɡure o nyu ta. O hah sweera dɛ tɛ o dɔŋ, bɛ ɡel nomɛlbwa swee tɛ o ɡe.

Kaala 32:19

Belaa Mosis suuh tel bela baa soɡa la, asɛ dɛ na nabale la ne sae baa dɛ sa la, asɛ o baah di ba nɛɛ kohona. Anee o kpɔ bwepɛle anɛ la viɡri bwe la lɔɡa a bwa peɡri wɛjɛwɛjɛ ken.

Kaala 32:6

Anomanta, tɔ aa pera la, ba felo ir dɛ ba kpoo kwaa fuh ɛ saraha kon la ta, dɛ kpɔ deŋnesɔɔhna saraha kwaa ɡe ba. A habɔɔ la, ba soɡo dɛ di kwa, dɛ nyɔ sen, dɛ ir sa sachɔɡa.

Jeremia 25:30

Hen Jeremia, bol n waa la ba be ŋɔ, ‘Korowii dɛ kɔɡre kɛŋɔ nyujente dɛ le nyundua dɛɛ ba. O taa do kɛŋɔ bwaala kɔra, dɛ le o soŋnibɔr waa do ɡoroŋ bela, dɛɛ nyɛɡ o nɛra baa lɔ o harɛ nɔ ta nɛ. Wɛɛ tiɡri ba nɛɛ kɛŋɔ ba yon dɛɛ tiɡri ɡrepo daa nɔna la ken.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

Lewi Dea Tena 24:11

Dɛ o nya sɔne Sɛlomet, Dibri waa le Dan dea biee on. Sɛlomet bie la ɛ nɛnhɛlwa dɛ taah Korowii, asɛ ba lawɔ ba Mosis sie,

Sitɔɔla 16:23

A balɔ kɛŋɔ Filisti tena nomonome chemo dɛ kpoo kwaa ɛ sarahajen tɛ ba voɡ baa dɛ yerɔ Daɡɔn dɛɛ lɛ ba sie. Ba ŋɔ, “Ya voɡ kpɔ Samsen waa ɛ ya dɔm la do ya nɔn ta.”

Sitɔɔla 8:33

Gedeɔn aa sewa la, Israel tena berɔ vɛh Korowii dɛ kaa tomɛ voɡ Baal ja. Ba cheɡ Baal Bɛret dɛɛ tomɔ,

Sitɔɔla 9:26

Dɛ Ɛbɛd bibaa sɔne Gaal. Awola bɛl, Gaal ne o nimanar iro ka so Sɛkem, asɛ bwɛɛ la tena ɛɛ yaradao.

Sitɔɔla 9:4

Ba kpɔ suuɡapoŋa fifraanuanɛ le ba voɡ Baal Bɛret dea ba tɛo. O kpɔ ɡɛ suuɡa la bɔ nɛra ba siwi aa kpeɡa paa ba ba teŋɛ o nɛ.

Sitɔɔla 9:46

Banɔ la baa lɔ dejaŋ waa lɔ Sɛkem la aa fela no la, ba bwa chwao ka jo ba voɡ baa dɛ yerɔ Ɛl-Berit la dekpeɡ bini.

1 Samoɛl 17:43

O bɔɔ Devid ŋɔ, “Nyoatee men he kpoŋe daa dɛɛ ba n be naa?” Asɛ o ŋwɛɛ voɡa ta Devid nɛɛ dɛ taahno.