Sitɔɔla 8:5 - mzwDBL

⁵ Ba kaa tel Sukot, asɛ o ŋɔ bela tena be ŋɔ, “Hé tɛ n nɛra nɔ kondikwaa bá di. Ba koɔh taeh, kɛ n ta dɛ ti Midian tena koranar Seba ne Salmuna.”

Sitɔɔla 8:5 ပူးပေါင်းရင်းမြစ်များ

Mumpar 14:18

Belaa Salɛm Kooro Mɛlkesɛdɛk, waa ɛ Nemenɛ Korowii sɔfo la kpɔ paanoo ne sen ba tɛo,

Mumpar 33:17

Kɛ Jekɔb te kaa Sukot harɛ ta, dɛ ka do o dea, asɛ dɛ do patare tɛ o kondɛɛra ɡe. A waa ba pa bela sɔn Sukot la. O munii patare.

Yela 60:6

Korowii bol waa o Dea bela waa do ɡoroŋ la dɛ ŋɔ, “Mɛɛ yo bwɛjen Sɛkem tenaa, dɛ́ pɔ ba nɛ, dɛ́ bɔne o ne Sukot Fɛlembɔjen bini tɛ n nɛra.

Mmarare 23:4

Dɛkalkɛŋɔ ɡɛ saŋ haa le Ijipt harɛ ta dɛɛ ba la, ba vɔmɛ heyaa nee ne kondikwa. Beɔ bibaa Balam, waa le Pɛtɔ dɛ do Mɛsopoteemea harɛ ta la, ba kaa bɔɔ paa ŋɔ ó ba taah heya.

Sitɔɔla 5:23

Korowii nyundua torome bolɔ ŋɔ, ‘Taah Mɛrɔs bwɛ, dɛ́ taah nɛra baa lɔ bwɛɛ la ta kohona. Ba ta Korowii ba chae. Ba ta leɛ dɛ ba yo Korowii dɔma ba bwara aa kpeɡa.’

Sitɔɔla 8:10

Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.

Sitɔɔla 8:12

Midian koranar banɛ, Seba ne Salmuna chwao, kɛ Gedeɔn ti ba ka laɡ ba, asɛ ba laa tena la bwa chwa kaa.

Sitɔɔla 8:15

Gedeɔn la Sukot nomonome la be dɛ ka ŋɔ, “Seba ne Salmuna laanee la. Banee he muɡli n baah ŋɔ dɛ n ta ban lawɛ aa, haa n laa tena baa koah kohona la kondikwaa tɛ la.”

1 Samoɛl 25:18

Abiɡel ta hɛlɛ dɛ den kpɔ paanoo lafraanɛ, ne sen oltɔn pure dela anɛ ne peera anue ola baa hala, ne mea baa hala dɛ ɛ baaɡere anue, ne daa nɔna aa hola dɛ ɛ lakaja anue, dɛ fiɡ nɔna dɛ ɛ nɔndela lafraanɛ dɛ kpɔa choɡ keeɡore.