Sitɔɔla 8:27 - mzwDBL

²⁷ Gedeɔn kpɔ suuɡaswɛm la ɛ voɡ dɛ kpɔ cheɡ o bwɛɛ Ofra. Israel tena la bwa berɔ vɛh Korowii toma, dɛ ka tomɛ voɡ la, asɛ o ɛ bel dɛ chɔ kpa Gedeɔn ne o dem tena.

Sitɔɔla 8:27 ပူးပေါင်းရင်းမြစ်များ

Yela 106:35

kɛ ba sɛoh ba bii ɛɛ kpɔ dɔŋa, a che a ta, ba kpɔ ba voɡa toma da la.

Yela 106:39

A cheɡɛ ba we-ɛɛla ta, ba kpɔ doŋa kah ba te, ba waa ta kasinteŋ dɔe tɛ hen Korowii.

Yela 73:27

Nɛra baa berɛ habɔɔ kpoe la bwa ɛɛ serewoo, ɡɛɛ nɛra baa wola he waa ta teŋɛ la, hɛɛ ba ɡela ba ɡe serewe.

Kaala 23:33

He bɛ ɡel ba so he harɛ la ta, ásɛ a che ba nɛɛ he ba ɛɛ mɛ wechɔɡa, dɛkalkɛ ba voɡare toma la ɛɛ lawɛ heyaa kɛŋɔ baa harɛ heyaa bela ken.”

Kaala 32:4

Ate, o kpɔa dɛ do kon bini dɛ ɛa a do kɛŋɔ nabale dɛ kpɔ tɛɛ ba, waa baa sɔɔh la, ba bol dɔŋa be ŋɔ, “Yabala Israel tena, voɡ waa tɔ ya sie dɛ kpɔ yaa le Ijipt harɛ ta laanee la.”

Kaala 34:16

Hé nyin ba bihaahna tɛ he bibaala ba mo, asɛ baa tomɛ ba voɡa la aa, ba ken ɛɛ berɛ he bibaala la liiree le n be dɛɛ tomɛ ba voɡa la.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Ɛsekeɛl 7:20

Ba maŋkura ba te ba suuɡaswɛm nɔnloɡa ne baŋa kwaa ne noniseɡa aa wera la, dɛ kpɔ ɛ voɡa maa kia ne kondoŋa. A waa mɛɛ ba ɡela ba kondɔɔh ɛ kondoŋa tɛɛ ba.

Hosia 2:2

Korowii ŋɔ Israel tena be ŋɔ, “N bii, hé soŋe he bala baa do kɛŋɔ haah o jwamane nomanta, n haah naa wola on ɛɛ, o ɡe jaa laa men la, ó ɡel o bannyin la, dɛ́ ɡel jwamanwaa la.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Sitɔɔla 17:5

Dɛ Maeka nɔ dɔ voɡ dea, asɛ o ɛ batakaarebora kɛŋɔ sɔfo batakaare baa dɛ yerɔ efɔd la ken ne voɡa ane, dɛ kpɔ o bibaala la bɛl ɛ o kerekpoŋri.

Sitɔɔla 18:14

Baala banue baa laŋa ka sɔh nyiŋi Lais harɛ la ŋɔ ba bala laa tena la be ŋɔ, “Hé jemɔ kɛŋɔ batakaarebora waa do kɛŋɔ efɔd ne dem voɡare baa sɛah kɛɛ dɛ loɡa lɔ deremi nɔ bɛl ta naa? Ɛrɛɛ chɛ kɛ yá ɛɔ?”

Sitɔɔla 18:17

Baala banue baa kaa sɔh ɡaaɡe harɛ la ta la joɔ kaa dem la bini, dɛ ka kpɔ batakaarebora waa do kɛ efɔd la, ne voɡ baa sɛah la, ne deremi voɡa ane ne voɡ baa kpɔ suuɡapoŋa ɛo la, dɛ anɔ la aa jaa bwa. Asɛ kerekpoŋri la ne laa tena lafraanumɛl la ɡe che doonyoa la ta.

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?

Sitɔɔla 2:3

Anomanta, n dɛ bol he be kɛŋɔ maa ban doŋi tɛ heya. Mɛɛ ɡeloo ba berɛ sɔɔhne dɛɛ tɔɡre heya, ásɛ ba voɡa ɡe berɛ do kɛŋɔ baa harɛ heyaa bela.”

Sitɔɔla 6:11

Awola bɛl, Korowii nyundua torome baa so dajen bɛl mun bwɛɛ Ofra. Gɛ daa la ɛ Abeɛsa te baa dɛ yerɔ Joas kon. Dɛ o bibaa Gedeɔn sɔɔh dɛɛ lɔ mea daa la mun bobɛl baa dɛ harame daa nɔna baa kpɔa dɛɛ ɛ sen, ásɛ Midian tena la bɛ on na.

Sitɔɔla 6:24

Anomanta, Gedeɔn ɛ kon baa dɛ ɛ saraha o ta tɛ Korowii bela dɛ pa o sɔn ŋɔ, ‘Korowiirii Deŋnesɔɔhna’. Kpoŋe ba le fini, kon la ta cheɡɛ Abeɛsa dea tena bwɛɛ Ofra.

Sitɔɔla 8:26

Suuɡaswɛm deŋna kwaa baa ba a ne la tɔɡre ɛɛ ɛ suuɡapoŋa kaɡboŋ lafraanuanɛɛ. Ba dɔ bwara kondɛɛɡa ne baŋa kwaa ne laala kɔla Midian koranar aa dɛ do, dɛ kwaa aa lɔ ba nyoɡmare baŋa baa wola a te kure ja.

Sitɔɔla 8:28

Gɛɛ a do Israel tena pɔ Midian tena nɛɛ ba ta kpeɡri dɔe kpa. Israel tena dɔ deŋnesɔɔhna bene fifraanaarɛ dɛ Gedeɔn ta soɡe le.