Sitɔɔla 8:10 - mzwDBL

¹⁰ Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.

Sitɔɔla 8:10 ပူးပေါင်းရင်းမြစ်များ

2 Koranar 3:26

Moab kooro nao kɛŋɔ ba dɛ ba o nɛɛ pɔe, asɛ o kpɔ laa tena lafraanuanɛ ba kpoŋe tokobie, dɛ́ fee ka tawɛ kpɔ ba bini kaa Edom kooro be, kɛ o ta wone.

2 Webena 13:17

Kooro Abija ne o laa tena kpoo Israel laa tena baa jemɛ yoi taeh, laa tena dɛ ɛ kaɡboŋa lafraanue.

2 Webena 28:6

Tɔpebeŋkpoŋ ɡbo ta, Remalia bibaa Kooro Pɛka ne o laa tena iro ka kpoo Juda laa tena kaɡboŋa lafa fifraanɛ, dɛkalkɛ ba vɛh Korowii ba naawa aa tomɔ la.

2 Webena 28:8

Israel tena lawɛ Juda tena ba fe aa ɛ ba lolanar laa ta, nɛra kaɡboŋa lafraanɛ baa ɛ ba haahna ne bihaahna dɛ bibaala. Ba berɔ pa ba laala aa wara laa la ta, dɛ ba a ne Samaria.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Sitɔɔla 20:15

Buɡ la ta, Bɛnjamen dea tena boa laa tena kaɡboŋa fifraanɛ dɛ banumɛl nyoa le ba bwɛɛre ta ba kpoŋe tokobie, dɛ kpɔ ja baala lafraanuanɛ baa lee ba le Gebea bela la nɛ.

Sitɔɔla 20:17

Israel tena dɔ laa tena kaɡboŋa lafraanaarɛ baa dɛ yo kɛrɛdɛ. Bɛnjamen dea tena ta ba nɛɛ jae.

Sitɔɔla 20:2

Nomonome baa chɔ Israel deene nyoo la bwa baa ja Korowii nɛra baa chema la nɛ. Asɛ laa tena kaɡboŋa lafraanaarɛ kpoŋe tokobie.

Sitɔɔla 20:25

Awola tɔpere la Bɛnjamen dea tena le Gebea dɛ ba yo, dɛ kpoo Israel tena kaɡboŋa fi dɛ banuatoro, dɛ ba bwa kpoŋe tokobie.

Sitɔɔla 20:35

Korowii cha Israel tena la ba pɔ Bɛnjamen dea tena nɛ. Ba kpoo ba laa tena kaɡboŋa fifraanɛ dɛ banue dɛ nɛra lafa, ba bwaa kpoŋe tokobie awola tɔpere.

Sitɔɔla 20:46

Awola tɔpere la, Bɛnjamen dea laa tena kaɡboŋa fifraanɛ dɛ banue baa jemɛ yoi kɛrɛdɛ dɛ kpoŋe tokobiee serewa.

Sitɔɔla 6:5

Ba cheɡɛ ba tɛnte deene ba ne ba kondɛɛra fuɡe le aa, ba do kɛŋɔ tontombɛ ken. Haa won kure ba ne ba nyoɡmare. Ba dɛ so harɛ la ta dɛ́ chɔɡ ba kwaa bwa.

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Sitɔɔla 7:13

Gedeɔn aa dena tel bela la, dɛ baa bɛl dɛ baɡle deera waa deera o dɔŋ be ŋɔ, “N deero dɛ na kɛŋɔ paanoɡuɡule aa ɡbila jo ya Midian sobɔr bonɔ dɛ ba lɔ ya tɛnte dea kpeɡri nɛ asɛ o chole chɔ harɛ.”

Sitɔɔla 7:22

Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.

Sitɔɔla 8:11

Gedeɔn kpɔ ŋwɛnɛ nɛra baa wola soŋnibɔr dɔe yon kpɔ o ta o chɔ Nɔba ne Joɡbeha wee leebɔr la, dɛ ba piɡri Midian laa tena baa lɔ bela dɛ yoo ba.