Sitɔɔla 7:4 - mzwDBL

⁴ Korowii berɔ ŋɔ o be ja ŋɔ, “Nɛra la ta warɔ kohona. He ne ba kaa nee nyoa bá ka nyɔ ne, ásɛ n chalɛ ba bini tɛɛ. Bɛlbwa maa ŋɔ ó pui kaa la, he ne ó kaa. Dɛ n berɔ ŋɔ bɛl bɛ kaa laa, bɛ ɡel ó teŋɛ he nɛ.”

Sitɔɔla 7:4 ပူးပေါင်းရင်းမြစ်များ

Mumpar 22:1

Waa nɔ bwa habɔɔ la, Korowii daah Abraham dɛ́ na ɡɛ waa dɛ yaradao. O yerɔ, “Abraham,” asɛ o sɛh ŋɔ “N Naa Korowii, menee nɔ.”

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

Yela 33:16

Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

Yela 66:10

N Naa Korowii, he daah yaa na kɛŋɔ ba yon kpɔ suuɡapoŋ do nii ta, dɛ laa o doŋa bɛlbwa kpɔ o ta la ken.

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Sitɔɔla 7:5

Anomanta, Gedeɔn kpɔ ba kaa nee nyoa. Korowii ŋɔ o be ŋɔ, “Chale banɔ la baa kpɔ nɔn lɔ nee dɛɛ ta nyoa kɛ nyootena la le banɔ la baa ɡuŋa dɛ kpɔ nyoa pi dɛɛ nyɔ la nɛ.”

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”