Sitɔɔla 7:22 - mzwDBL

²² Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.

Sitɔɔla 7:22 ပူးပေါင်းရင်းမြစ်များ

1 Koranar 19:16

Berɛ la Israel harɛ ta, dɛ́ kpɔ ane fuɡe do Nimsi bibaa Jehu ɡe nyu ta, dɛ́ cheɡo Israel harɛ ta kooro, ásɛ dɛ fuɡe ane do Safat bibaa Elaesa waa le Ebel Mehola la ɡe nyu ta, ásɛ o ɛ keame chiɡ he naa ta.

1 Koranar 4:12

Ahilud bibaa Baana chɔ bwɛjena Taanak ne Meɡido nyoa, dɛ berɛ kpoŋe ka le Bɛt San harɛ waa bɛne Saretan Jesreel weekaŋle harɛbɔr, dɛ le Bɛt San dɛɛ kaa bwɛjen Ebel Mehola, dɛ ka le bwɛjen Jokmeam baŋ.

2 Webena 20:23

Amɔn ne Moab laa tena pɛo, dɛ yo Edom laa tena dɛ kpoo ba bwa kwaraa. Baa kpoo ba tonɛ la, ba berɛ sie dɔŋa be dɛɛ kpoo dɔŋa, ka tel kɛŋɔ ba bwa aa tona.

Yela 83:9

Ɛɛ ba ɡɛ haa ɛ Midian tena la, chɔɡ ba ɡɛ haa chɔɡ Sisera ne Jabin, baa ɛ laa nomonome Kesɔn nenabɔɔ ta la.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Aesaya 9:3

N Naa Korowii, he ɡelɔ ba harɛ la nɛra ya, he tɛɛ ba silɛɛ kohona. Ba dɛ hɛɡre he sie kɛŋɔ nɛra koo kondikwaa yon ɛ kohona baa koma dɛɛ hɛɡre la. Ba berɔ dɛɛ hɛɡre kɛŋɔ nɛra aa kaa yo laa, dɛ pa ba dɔma laala dɛɛ bɔne la.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Ɛsekeɛl 38:21

Wenaale bɛlbwa soo siwii mɛɛ ba kpɔe ba ta nomonjen Gɔɡ nɛ. Ba bini bɛlbwa ɛɛ berɛ o keree ba o dɔŋ nɛɛ dɛ́ kpoo. Men Nemenɛ Korowiirii bola.

Habakuk 3:14

He hɛma yaɡɛ o laa sitɔɔ, ɡɛ saŋ o laa tena aa wura ba tɔ ya nɛɛ dɛ lɔ yaa peɡre la. Ba sie lɛɔ kɛŋɔ nɛra baa sɔah dɛɛ fiiɡi nɛŋɡwɛɡra.

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Sekaria 14:13

Awola tɔpere la, Korowii ɛɛ kpɔ ɔmee kohonaa ba ta ba nɛ, á ɡel ba lawɛ dɔŋa nɔɔra, dɛɛ yo dɔŋa.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Josua 6:20

Bɛle la aa sia la, nɛra la do lɔŋɔre kohona asɛ danjwɛɛ baa maa bar bwɛjen la den kuuɡi kwaraa. Ate, laa tena la den jo bwɛjen la ta dɛ lɛ bwɛɛ la bwa dɔɔh.

Josua 6:4

Gel sɔfore banuanɛ kpɔ pebal nyeɡle bɛle tɔ Korowii Ne Nɛwɛnyina Fɔo Daka la sie. Tɔpenuanɛ wee la, he ne he laa tena valɛ bar bwɛjen la kera anuanɛ, ásɛ sɔfore la ɛɛ hoh bɛle la.

1 Samoɛl 18:19

Aa baa tel kɛ ba kpɔ Kooro Sɔɔl bihaah Merab tɛ Devid ó mo la, ba kpɔɔ tɛ Adreɛl waa le Mehola.