Sitɔɔla 7:20 - mzwDBL

²⁰ Kuore atoro la bwa hoh ba kwaa dɛ paɡre ba viine la. Ba kpoŋe kapɛle la nɔŋɡal ta, dɛ kpoŋe bɛle baa hoah la ɡe nɔndiɡ ta dɛɛ moo ŋɔ, “Hé kpɔ keri yo tɛ Korowii ne Gedeɔn!”

Sitɔɔla 7:20 ပူးပေါင်းရင်းမြစ်များ

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Jeremia 47:6

He yon dɛɛ wi ŋɔ, ‘N Naa Korowii, he kpoŋe he kere, saŋ besoo hé kpɔ kere la kpoo nɛra ka tel ɔ? Kpɔɔ do o tɔɔ bini ó chɔ bela jeih ken.’

1 Kɔrent 15:52

Aa ɛo wɔrɔbe nɛɛ kilo, ɡɛ saŋ Korowii bɛla aa ba si, dɛ́ baɡle waa bwa jaɡa la. Dɛ o sio waa, Korowii ɛɛ ir serewa laanee seo ta, ásɛ ba dɔ bwadabii waa wola pɔh, dɛ beɡre ya banɔ la yaa wola sewɛ dɛ ta so le la bwara,

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Josua 6:20

Bɛle la aa sia la, nɛra la do lɔŋɔre kohona asɛ danjwɛɛ baa maa bar bwɛjen la den kuuɡi kwaraa. Ate, laa tena la den jo bwɛjen la ta dɛ lɛ bwɛɛ la bwa dɔɔh.

Josua 6:4

Gel sɔfore banuanɛ kpɔ pebal nyeɡle bɛle tɔ Korowii Ne Nɛwɛnyina Fɔo Daka la sie. Tɔpenuanɛ wee la, he ne he laa tena valɛ bar bwɛjen la kera anuanɛ, ásɛ sɔfore la ɛɛ hoh bɛle la.

2 Pita 1:15

Mɛɛ takapɔɔ dɛ́ ɛ ɡɛ bwa maa won ɛ, ásɛ dɛ n ba toole kwaraa naa, he won dɛɛ lii waa nɔ saŋ bɛlbwa.

Sitɔɔla 7:19

Gedeɔn ne o nɛra lafa la tel Midian tena sobɔr dahara bela harambaŋa. Gɛ saŋ dɛ Midian tena la le nɛnfala ba baa daah ba sobɔr bela. Asɛ Gedeɔn ne o laa tena la hoh bɛle la dɛ paɡre viine baa kpoŋa la.

Sitɔɔla 7:21

Gedeɔn nɛra la cheɡɔ kiŋkiŋ bar Midian tena sobɔr la, asɛ Midian tena la ɛɛ dooɡe lɔŋɔre dɛɛ chwa.

1 Samoɛl 11:11

Tɔ aa pera la, Sɔɔl bɔne o laa tena bini kuore atoro, asɛ bɔr aa dɛ chaah la ba ka lɔ tɔ Amɔn tena la nɛ bela baa soɡa, dɛ kpoo ba ka tel webaŋa. Banɔ la baa kaa la ɡe lɔ peɡre, bɛlbwa chwa dɛɛ nyin o nyu.