Sitɔɔla 7:14 - mzwDBL

¹⁴ Asɛ o dɔŋ la chaŋo ŋɔ, “Waa aa dɛ baɡle bwaa kɛŋɔ Joas bibaa Gedeɔn waa ɛ Israel te dɛ́ ba ba yo yaa. Korowii kpɔ ya Midian tena ne nɛra baa bala dɛ́ ba cha yaa la bwa do o nɔn ta.”

Sitɔɔla 7:14 ပူးပေါင်းရင်းမြစ်များ

Job Tɔn 1:10

He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

Nɛra Kura 22:38

Balam chaŋe ŋɔ, “Taraken n balɔ, kɛ maa won bol wobɛlbwa nemenɛ anɔ la Korowii aa ŋɔa n bol.”

Nɛra Kura 23:20

O do mɛ ŋɔ n swee andɛɛɡa tɛɛ ba. O swee andɛɛɡa tɛɛ ba maa wola won bera.

Nɛra Kura 23:5

Asɛ Korowii kpɔ waane tɛ Balam ŋɔ ó ka bol Kooro Balak be.

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 2:9

dɛ ŋɔ ba be ŋɔ, “N nao kɛŋɔ Korowii kpɔ ya harɛ nɔ tɛ heya, a ɡelɔ ɔmee kohona lawɛ yaa he wa. Nomɛlbwa waa lɔ harɛ nɔ ta no he wa aa, dɛ o bwara yɔrɔ.

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Sitɔɔla 3:28

O do ba ŋɔ, “Hé teŋɛ n nɛ, Korowii ɛɛ lɛ heyaa le Moab tena baa ɛ he dɔma nɔn taa.” Anomanta, ba teŋɛ Ehud nɛɛ dɛ kaa bɔra baa kpɔ a ta dɛɛ ɡale Jɔɔdan Moo dɛ kaa Moab harɛ ta la dɛ ka tɔɔɡa. Ba ta ɡelɛ nomɛlbwa ɡale moo la.

Sitɔɔla 7:13

Gedeɔn aa dena tel bela la, dɛ baa bɛl dɛ baɡle deera waa deera o dɔŋ be ŋɔ, “N deero dɛ na kɛŋɔ paanoɡuɡule aa ɡbila jo ya Midian sobɔr bonɔ dɛ ba lɔ ya tɛnte dea kpeɡri nɛ asɛ o chole chɔ harɛ.”

Sitɔɔla 7:15

Gedeɔn aa no deera la ne ɡɛ naate la aa baɡle a bini la, o ɡuŋo dɛ jam Korowii, dɛ laa berɛ ba ba sobɔr dɛ ba ŋɔ takpeɡ ne ŋɔ, “Hé ir, Korowii kpɔ Midian tena do he nɔn ta.”

1 Samoɛl 14:12

Ate, Filisti tena baa lɔ bela la nyɛɡ Jonatan ne o bonɔɔ la nɛɛ ŋɔ, “Hé ba ya be nyundua bonɔ, ásɛ ya baɡle heyaa waane.” Anee Jonatan ŋɔ o bonɔɔ la be ŋɔ, “Teŋɛ n nɛ dɛɛ ba, Korowii kpɔ ba do Israel tena nɔn ta.”