Sitɔɔla 7:13 - mzwDBL

¹³ Gedeɔn aa dena tel bela la, dɛ baa bɛl dɛ baɡle deera waa deera o dɔŋ be ŋɔ, “N deero dɛ na kɛŋɔ paanoɡuɡule aa ɡbila jo ya Midian sobɔr bonɔ dɛ ba lɔ ya tɛnte dea kpeɡri nɛ asɛ o chole chɔ harɛ.”

Sitɔɔla 7:13 ပူးပေါင်းရင်းမြစ်များ

1 Kɔrent 1:27

Korowiirii saahna le waa nɛra aa dɛ liira wesale dɛ́ ɡel sihiih kpo wejerema, asɛ dɛ saah le ɡwɛɡra ɡe dɛ ɡel sihiih kpo kpeɡnɛra,

Sitɔɔla 3:15

Israel tena wio no Korowii ja, asɛ o le Bɛnjamen dea te Gɛra bibaa Ehud tɛɛ ba, ó ba lɛɛ ba. O ɛ ɡal te. Gɛ Ehud nɔɔ Israel tena tomɛ o kpɔ suuɡa ne kwaa baa bɔa dɛɛ tɛ Moab Kooro Ɛɡlɔn la dɛ ka tɛo.

Sitɔɔla 3:31

Ehud aa bala habɔɔ la, Anat bibaa Samɡa ɡe kpoo Filisti tena lafraanumɛl daa waa seɡre o nyoa, dɛ kpɔ dɛɛ teɡɛ o nae la ne. O ɡe jao dɛ lɛ Israel tena.

Sitɔɔla 4:21

Koeh kohona nomanta, Sisera chɔ dom kwaraa, asɛ Heba haah Jael kpɔ kwaa baa kpɔa dɛɛ baŋre tɛnte la bɛl ne hamba, dɛ ɛ bɔeeh dɛ kpɔ kon la jaɡɛ o lwɛɛma ta, dɛ kpaa do o ka marɛ harɛ o sewɛ.

Sitɔɔla 4:9

Dɛbora ɡe ŋɔ, “A wer, n ne hɛɛ kaaloo. Kɛ ŋwɛnɛ yaa dɛ ba kaala nɔ, he laa dɛ dɔ sɔn o ta. Haahnee Korowii ɛɛ ba ɡela o pɔ Sisera nɛ.” Anomanta, Dɛbora ja Barak nɛɛ ba kaa Kedes.

Sitɔɔla 6:15

Asɛ Gedeɔn chaŋe ŋɔ, “N Naa Korowii, ɛrɛɛ mɛɛ ba ɛɛ dɛ́ won lɛɛ baɔ? Manasɛ dea tena bini la, n dem nɛraa ɡwɛɡra, asɛ n lolanar ɡe be pera la, n toole wobɛlbwa bini.”

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Sitɔɔla 7:14

Asɛ o dɔŋ la chaŋo ŋɔ, “Waa aa dɛ baɡle bwaa kɛŋɔ Joas bibaa Gedeɔn waa ɛ Israel te dɛ́ ba ba yo yaa. Korowii kpɔ ya Midian tena ne nɛra baa bala dɛ́ ba cha yaa la bwa do o nɔn ta.”

Sitɔɔla 8:10

Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.