Sitɔɔla 7:12 - mzwDBL

¹² Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Sitɔɔla 7:12 ပူးပေါင်းရင်းမြစ်များ

1 Koranar 20:27

Kooro Ahab boa Israel laa tena nyoa, dɛ tɛɛ ba komɛlbwa baa hiah laa la ta, asɛ ba le dɛ ka pu Siiria tena la. Israel tena laa tena la kaa so ba sie chaɡɛ Siiria tena. Dɛ Israel tena bɔne ba bini kuore anɛ, dɛ do kɛŋɔ boohna tamaa ane ken, asɛ Siiria laa tena la te warɛ dɛ tɔ harɛ bwa.

1 Koranar 4:30

Kasinteŋ, dɛ o dɔŋ toole wejema dɔe ta wee leebɔr harɛre ta ba kaa Ijipt harɛ bwa ta.

Yela 3:1

N Naa Korowii, n dɔma warɔ, ba warɔ dɛ che n nɛ.

Yela 33:16

Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

Jeremia 46:23

dɛɛ chɔɡ kɔrjen la ken. Ba warɔ ɡwaa tontombɛ, baa wola won kur ba.

Josua 11:4

Ate, koranar la bwa sɛh dɛ kpɔ ba laa tena pɛ, ne kwaa aa do kɛŋɔ torɔɡo ba vɔwa pɛl jaɡre dɛɛ yo ane la ba cheme. Laa tena la warɔ kɛŋɔ mpo nyoa hɛŋle ken.

Sitɔɔla 6:3

Saŋ bɛlbwa Israel tena la aa parɛ ba kooni dɛ du kwaa la, ɡɛɛ Midian ne Amalɛk tena dɛ harɛre aa lɔ wee leebɔr nɛra yon ka jo harɛ la ta dɛ́ lɛ dɔɔh.

Sitɔɔla 6:33

Midian ne Amalɛk tena dɛ nɛra baa soɡe wee leebɔr la bwa pɛo, dɛ ka baŋre ba tɛnte deene Jɔɔdan Moo baŋ Jesreel Fɛlembɔjen bini.

Sitɔɔla 6:5

Ba cheɡɛ ba tɛnte deene ba ne ba kondɛɛra fuɡe le aa, ba do kɛŋɔ tontombɛ ken. Haa won kure ba ne ba nyoɡmare. Ba dɛ so harɛ la ta dɛ́ chɔɡ ba kwaa bwa.

Sitɔɔla 7:13

Gedeɔn aa dena tel bela la, dɛ baa bɛl dɛ baɡle deera waa deera o dɔŋ be ŋɔ, “N deero dɛ na kɛŋɔ paanoɡuɡule aa ɡbila jo ya Midian sobɔr bonɔ dɛ ba lɔ ya tɛnte dea kpeɡri nɛ asɛ o chole chɔ harɛ.”

Sitɔɔla 8:10

Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.

1 Samoɛl 30:17

Devid yoo ba le chɔmbibii ka tel tɔ aa pera jɔmɔra. Ba bini bɛlbwa ta wone dɔ bɔr chwa, nemenɛ bonɔɔna lafraanaarɛ baa soɡe nyoɡmare taa wona dɔ bɔr chwa kaa.