Sitɔɔla 6:36 - mzwDBL

³⁶ Belaa Gedeɔn ŋɔ Korowii be ŋɔ, “N Naa Korowii, dɛ hɛɛ che n nɛɛ dɛ́ lɛ Israel tena ɡɛ haa baɡ mɛ nyoa la aa,

Sitɔɔla 6:36 ပူးပေါင်းရင်းမြစ်များ

Mumpar 15:8

Belaa Abram bɔɔro ŋɔ, “Nemenɛ Korowii, ɛrɛɛ aa ba ɛɛ ń jemɛ kɛŋɔ n konee yɔ?”

2 Koranar 20:9

Anee Aesaya chaŋe ŋɔ, “Waa Korowii aa dɛ ba ɛɛ he jemɛ laanee kɛŋɔ, wɛɛ ɛ waa waa baɡɛ nyoa laanee. He dɛ nyin wee chunchule kaa sie ka dawɛ kwaa baa cheɡɛ a ta teeh dɛɛ jo dea la fite ta, kɛɛ o kaa habɔɔ ka dawɛ kwaa baa cheɡɛ a ta teeh dɛɛ jo la fite ta nɔ?”

Aesaya 7:11

“Soŋe Korowii háa dɛ tomɔ dɛ́ na waane, hale dɛ le lalabwɛɛ kɛɛ nyundujaɡla, á baɡle waa nɔ kasinteŋ.”

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Matiu 16:1

Farisii tena bane ne Saduki tena bane ba Yeesu be dɛ ba daahno na dɛɛ nyin ó ɛ nyokpowaane bá na ásɛ dɛ won jemɛ kɛ Korowii bee o le kpela.

Sitɔɔla 6:14

Belaa Korowii ɡbabir ŋɔ o be ŋɔ, “Gedeɔn, menee dɛɛ tomɛ. Kpɔ bokpeɡa haa dɔa la ka lɛ Israel tena le Midian tena nɔn ta.”

Sitɔɔla 6:16

Asɛ Korowii ŋɔ, “Mɛɛ ja he nɛɛ ásɛ he kpoo Midian tena bwa, kɛŋɔ haa yo nɛmbeŋkpoŋ ken.”

Sitɔɔla 6:37

mɛɛ kpɔ pee ponaa bil pɛla nɔ ta. Tɔɔ perɔ chɔɔ dɛ pee pona la pweɔh asɛ bela aa chɔa la te ta pweɛh yaa, ate dɛ n jemɔ kɛŋɔ hɛɛ che n nɛɛ lɛ Israel tena ɡɛ haa bola la.”

1 Samoɛl 14:10

Kɛ dɛ ba ŋɔ, ‘Hé ba ya be bonɔ naa,’ yaa teehnoo kaa ba be, anee dɛ́ chaɡle kɛŋɔ Korowii kpɔ ba do ya nɔn ta.”