Sitɔɔla 6:31 - mzwDBL

³¹ Kɛ Joas chaŋe baala baa wura ba o be bandia ne la ŋɔ, “Hé dɛ nyin kɛ he lɛ voɡ Baal waa bol kɛɛ? Hé dɛ nyin hé yo lɛo waa? Naate waa ŋɔ wɛɛ yoo dɛ́ lɛo la, chɔmbibii baa ba o kpoe. Dɛ Baal ɛ voɡ kasinteŋ aa, baa dɛ kuuɡi o saraha kon la, o fe wono yo lɛ o te.”

Sitɔɔla 6:31 ပူးပေါင်းရင်းမြစ်များ

1 Koranar 18:27

Wee aa baa tel nyufala la, Elaeja mam ba, dɛ di ba loro ŋɔ, “Hɛ́ɛ yerɔ kohona, o ɛ voɡ kɛrɛdɛ, o ken ta dɛ lii, kɛɛ o ken kaa bobɛl. O ka lɔ ŋwɛnɛ ta. O ken ka chɔ dom, a chɛ kɛ he ka chumu.”

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

1 Koranar 18:40

Elaeja do nɛra la ŋɔ, “Hé lawɛ Baal voɡ tena la, he bɛ ɡel bɛlbwa dɔ bɔr chwa!” Ba lawɛ ba bwa asɛ Elaeja ɡel ba kpɔ ba kaa Kesɔn Fɛlembɔjen bini ka kpoo ba.

Kaala 23:2

He bɛ nɛndamanta nɛɛ teŋɛ dɛ́ ɡee ɛ wechɔɡa. He dɛ di waane danseɛ kɔɔto aa, he bɛ nɛndamanta nɛɛ teŋɛ dɛ́ berɛ waa la sie.

Aesaya 41:23

Hé ɡel a baɡle yaa waa aa lɔ le kerekere, ásɛ ya jemɛ kɛ a ɛ voɡa kpela. Hé ɡel á ɛ waa aa ɛ wedɛɛɡa kɛɛ wechɔɡa ásɛ ya bwara yɔr ya ɔmɛ.

Aesaya 46:1

Korowii ŋɔ, “Babelɔn tena voɡa Bel ne Nɛbo baa dɛ toma la di sihiih, ba paa dawɛ keeɡore ta a ɛ bontɔɡa a chea dɛɛ koh.

Aesaya 46:7

Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Nɛra Kura 14:6

Anee Nun bibaa Josua ne Jefune bibaa Kaleb ba fa aa ja nɛra la nɛɛ dɛ ka sɔh nyiŋi harɛ la laa ba laala baa doa la peeɡe, a baɡle kɛŋɔ ba dɛ di suna,

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

Sitɔɔla 6:30

Ate, bwɛɛ la baala la Joas be dɛ ka ŋɔ, “Le he bibaa Gedeɔn ne ba. A chɛ kɛŋɔ ó sewɛ, dɛkalkɛ o kuuɡi ya voɡ Baal saraha kon la dɛ berɛ teŋe voɡ Asera dajaŋ waa cheɡɛ o jwɛɛh la ɡe ta.”

Sitɔɔla 6:32

Anomanta, le awola tɔpere la, ba pa Gedeɔn sɔn Jerub Baal. O munii o ne voɡ Baalee dɔ wa, dɛkalkɛ onee kuuɡi o saraha kon.

1 Samoɛl 12:11

Korowii tomɛ Gedeɔn ne Barak ne Jɛfta dɛ men Samoɛl asɛ ya ba lɛ heyaa le he dɔma nɔn ta, he so deŋnesɔɔhna ta.