Sitɔɔla 6:3 - mzwDBL

³ Saŋ bɛlbwa Israel tena la aa parɛ ba kooni dɛ du kwaa la, ɡɛɛ Midian ne Amalɛk tena dɛ harɛre aa lɔ wee leebɔr nɛra yon ka jo harɛ la ta dɛ́ lɛ dɔɔh.

Sitɔɔla 6:3 ပူးပေါင်းရင်းမြစ်များ

Mumpar 25:6

Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.

Mumpar 29:1

Jekɔb ŋwɛnɛ waa valɔ la, o kpɔ sie chaɡɛ wee leebɔr dɛ kaa bela harɛ la ta.

1 Koranar 20:27

Kooro Ahab boa Israel laa tena nyoa, dɛ tɛɛ ba komɛlbwa baa hiah laa la ta, asɛ ba le dɛ ka pu Siiria tena la. Israel tena laa tena la kaa so ba sie chaɡɛ Siiria tena. Dɛ Israel tena bɔne ba bini kuore anɛ, dɛ do kɛŋɔ boohna tamaa ane ken, asɛ Siiria laa tena la te warɛ dɛ tɔ harɛ bwa.

1 Koranar 4:30

Kasinteŋ, dɛ o dɔŋ toole wejema dɔe ta wee leebɔr harɛre ta ba kaa Ijipt harɛ bwa ta.

1 Koranar 5:10

Gɛ ŋwɛnɛ nɔ taa Kooro Hiram kpɔ dɛ tɛ Kooro Solomɔn daa te bɛlbwa waa dɛ nyin,

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Job Tɔn 31:8

amɔ Korowii ɡel nɛra bane di kwaa maa para, dɛ́ ɡel ba fuɡri n koo kondikwa.

Kaala 17:8

Amalɛk tena balɔ ba lɔ tɔ Israel tena nɛ Refidim dɛ yoo ba.

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Jeremia 49:28

Korowii bol Keda dea tena ne Hasɔ harɛre Babelɔn Kooro Nebukadnesa aa yoa dɛ pɔ ba nɛɛ la waa ŋɔ, “Hé ir, dɛ́ ka yo Keda tena, dɛ́ kpoo nɛra baa soɡe pua hɛŋle ɡbo harɛ ta wee leebɔr.

Ɛsekeɛl 25:3

Ŋɔ ba be ŋɔ bá cheɡ deŋne dɛ́ no waa men Nemenɛ Korowii aa dɛ bol, ‘He sie lɛo kɛŋɔ baa kpɔ doŋa kah n Dea dɛ chɔɡ Israel harɛ bwa, dɛ lawa baa lawɛ Juda tena laa ta kaa bojaŋ harɛfale ta la.

Ɛsekeɛl 25:4

Anomanta, mɛɛ ɡeloo nɛra le wee leebɔr bá yo heya, dɛ́ pɔ he nɛ. Baa baŋre ba tɛnte deene he harɛ taa dɛ́ so, dɛ́ di he daa nɔna, dɛ́ nyɔ he kondɛɛra elne.

Lewi Dea Tena 26:16

mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia.

Maeka 6:15

Hɛɛ du koo kwaa kɛ haa komɛlbwaa na komɛ, hɛɛ harame ɔleveree dɛ dɔ a no, kɛ haa dɔ ɛ wobɛlbwa, dɛ harame ɡrepo nɔna ɛ sen, haa dɔ nyɔ.

Mmarare 28:51

Baa di he kondikwaa bwaa ásɛ lɔr kpo heyaa he serewe. Baa di he mea bwaa, dɛ́ nyɔ he sen dɛ́ kpɔ he ɔleve no, dɛ́ larawe he nae bii ne peera bii bwa, ka tel kɛŋɔ he kondɔɔh bwa aa le he nɔn ta.

Sitɔɔla 10:12

ne Sidon ne Amalɛk, dɛ Mayɔn tena aa ɛ heyaa hɔhɔrɔwa, he wi yer mɛ la, n laa lɛ heyaa le ba nɔn ta naa?

Sitɔɔla 3:13

O yerɛ Amɔn ne Amalɛk tena ja o nɛra nɛɛ ba ka yo Israel tena dɛ kpɔ nɔn dawɛ Jeriko ta.

Sitɔɔla 6:2

Midian tena nyu bini aa baa do kpeɡri Israel tena nɛɛ kohona la, ba chwao kaa bwejena bɔɔne bini ne bela baa wola ban na, dɛ kpɔ bela berɛ deene dɛ so a bini.

Sitɔɔla 6:33

Midian ne Amalɛk tena dɛ nɛra baa soɡe wee leebɔr la bwa pɛo, dɛ ka baŋre ba tɛnte deene Jɔɔdan Moo baŋ Jesreel Fɛlembɔjen bini.

Sitɔɔla 6:4

Ba dɛ baŋre ba tɛnte deene harɛ la ta dɛ́ so bela, dɛ́ chɔɡ kwaa baa dua dɛ kpoŋe ka le Gasa. Baa peera ne nae dɛ keeɡore, hale hweera kon te bɛlbwa ɡelɛ dɛɛ tɛɛ ba.

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Sitɔɔla 8:10

Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.