Sitɔɔla 6:26 - mzwDBL

²⁶ ásɛ dɛ pa bwea darawe dɔŋa nɛ, dɛ́ ɛ saraha kon waa chɛ Korowii haa dɛ tomɔ la deŋɡare nɔ doa. Kpɔ voɡ Asera daa haa teŋa ta la dawɛ saraha kon la ta, dɛ́ fuh nabal nɛɛte la, dɛ́ ɛ saraha tɛ mɛ.”

Sitɔɔla 6:26 ပူးပေါင်းရင်းမြစ်များ

2 Samoɛl 24:18

Awola tɔpere la, Gad la Kooro Devid be dɛ ka ŋɔ o be ŋɔ, “Ir la Jebus te Arauna mea lɔ bɔr bela, dɛ́ ka ma kon baa ɛ saraha o ta tɛ Korowii.”

2 Samoɛl 24:22

Ate, Arauna ŋɔ Kooro Devid be ŋɔ, “N naa kooro, kpɔ komɛlbwa haa dɛ nyin ka ɛ saraha la tɛ Korowii. Nabala haa kpɔ ɛ saraha baa fuah, ne daa aa sarawe mea lɔ bɔr, ne daa baa kpɔa dɛɛ dawɛ nae anɛ nɛɛ aa parɛ la ɡee nɔ bá kpɔ mar.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

1 Kɔrent 14:33

dɛkalkɛŋɔ Korowii aa wesaɡasaɡare nyin. Deŋnesɔɔhnaa wɛɛ nyin. Gɛ baa dɛ ɛ asɔrere ta bobɛlbwa laanee.

1 Kɔrent 14:40

Hɛ́ɛ ɛ wobɛlbwa ŋwɛnɛ aa maɡra ta dɛ bɛ wesaɡasaɡare dɛɛ ɛ.

Sitɔɔla 6:25

Awola jwaana la tenten Korowii ŋɔ Gedeɔn be ŋɔ, “Lawɛ he mɛɛ nabal, ne nabal bɛl waa di bene anuanɛ, dɛ́ kpɔ ka ɛ we-ɛɛla, dɛ́ kuuɡi kon he mɛɛ aa ɛ saraha o ta dɛɛ tɛ voɡ Baal, ásɛ dɛ teŋe voɡhaah Asera dajaŋ waa cheɡɛ o jwɛɛh la ta,

Sitɔɔla 6:27

Anomanta, Gedeɔn kpɔ o bonɔɔna la bini fi dɛ ɛ ɡɛ Korowii aa bol o be la. Kɛ waa dɛ ɔmɛ o dem nɛra ne bwɛɛ la baala la nomanta, o ta an webaŋa ɛɛ dɛ ɛa jwaana.

1 Samoɛl 6:14

Nae la ne torɔɡo la baa tel Josua waa le Bɛt Sɛmɛs la koo ta, dɛ che bwe bɛl jwɛh. Asɛ bela tena la paɡre daa baa kpɔa kwaa torɔɡo baa vɔwa pɛl nae la, dɛ kpoo nae la ɛ saraha baa fuah tɛ Korowii.