Sitɔɔla 6:24 - mzwDBL

²⁴ Anomanta, Gedeɔn ɛ kon baa dɛ ɛ saraha o ta tɛ Korowii bela dɛ pa o sɔn ŋɔ, ‘Korowiirii Deŋnesɔɔhna’. Kpoŋe ba le fini, kon la ta cheɡɛ Abeɛsa dea tena bwɛɛ Ofra.

Sitɔɔla 6:24 ပူးပေါင်းရင်းမြစ်များ

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 12:8

Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii.

Mumpar 22:14

Anomanta, o pa bela sɔn ‘Korowii Dɛɛ Tɛ.’ Dɛ ba le fini, ba dɛ bol bela waa ŋɔ, “Korowii ɛɛ tɛo o bwe la doa.”

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

2 Samoɛl 24:25

Kooro Devid ma kon waa ɛ saraha o ta tɛ Korowii bela, dɛ kpoo kwaa ɛ sarahare baa fuah, ne deŋnesɔɔhna sarahare tɛo. Asɛ Korowii na Israel tena sum dɛ ɡel weechɔɡa la le harɛ la ta, nɛra aa serewe kpa.

1 Koranar 18:32

O kpɔ bwea la dɛ berɛ ɛ saraha kon la Korowii sɔn ta, dɛ ɡel ba kwi bɔɔ waa won nee ɡalɔŋre atoro lɛɛ baro.

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Kaala 17:15

Mosis ɛ kon waa ɛ saraha o ta dɛɛ tɛ Korowii bela, dɛ pa o sɔn ŋɔ, “Korowiirii yoa dɛɛ tɛ mɛ.”

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Ɛsekeɛl 48:35

Harɛ la bwa jaŋne dɛ bar la ɛɛ ɛ naɡale kaɡboŋa fifraanɛ dɛ anuanɛɛ. Dɛ le awola dɛ kaa la, baa yerɛ bwɛjen la, ‘korowii lɔ bela.’ ”

Nɛra Kura 26:30

Gelead ɡe dea nɛraa, Jesa ne o dea nɛra, ne Hɛlɛk dɛ o dea nɛra,

Josua 22:10

Baa kaa tel Gelilɔt, Keenan harɛ waa lɔ Jɔɔdan Moo nyoa wee cholibɔr pera la, Rubin ne Gad dɛ Manasɛ dea pera deene ma kon baa ɛ saraha o ta tɛ Korowii cheɡ Jɔɔdan Moo nyoa bela, o kan dɛ do wer kɛrɛdɛ.

Sitɔɔla 21:4

Tɔ aa pera chɔmbibi la, nɛra la ɛ kon baa dɛ ɛ saraha o ta bela, dɛ ɛ saraha baa dɛ fuah ne deŋnesɔɔhna saraha o ta tɛ Korowii.

Sitɔɔla 6:23

Anee Korowii ŋɔ o be ŋɔ, “Sɔɔh bwara! Dɛɛ berɛ ɔma, haa sewa ba.”

Sitɔɔla 8:27

Gedeɔn kpɔ suuɡaswɛm la ɛ voɡ dɛ kpɔ cheɡ o bwɛɛ Ofra. Israel tena la bwa berɔ vɛh Korowii toma, dɛ ka tomɛ voɡ la, asɛ o ɛ bel dɛ chɔ kpa Gedeɔn ne o dem tena.

Sitɔɔla 8:32

Joas bibaa Gedeɔn biɡro kɛrɛdɛ mɔɔ dɛ sewɛ, asɛ ba huɡo o mɛɛ buɡ ta Ofra waa ɛ Abeɛsa dea tena bwɛ.

1 Samoɛl 14:35

Kooro Sɔɔl ma kon baa ɛ saraha o ta tɛ Korowii bela. Onee ɛ saraha kon waa tɔ sie ma tɛ Korowii.

1 Samoɛl 7:17

O yon berɛ ba kaa Rama, bela waa soɡa. Bela ɡe, o bol Israel tena ne ba bala waa dɛɛ pa bole, asɛ o ma kon baa ɛ saraha o ta bela tɛ Korowii.