Sitɔɔla 6:23 - mzwDBL

²³ Anee Korowii ŋɔ o be ŋɔ, “Sɔɔh bwara! Dɛɛ berɛ ɔma, haa sewa ba.”

Sitɔɔla 6:23 ပူးပေါင်းရင်းမြစ်များ

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

Mumpar 32:31

Jekɔb aa le Pɛneɛl dɛɛ kaa la dɛ wee leɔ. O kɛɡra la aa sora nomanta, dɛ o dɛ chole o ta.

Mumpar 43:23

Anee bonɔɔ la chaŋe ŋɔ, “He bɛ ɡel a hiah heya hɛɛ ɔmɛ. Korowii he ne he nimanar aa dɛ tomɔ laanee ken kpɔa do he bone bini la. Gɛ suuɡa la tel n be.” Asɛ o le Simeon tɛɛ ba.

Yela 85:8

N dɛ no waa Korowii aa dɛ bol la, o baɡɛ yaa nyoa ŋɔ, dɛ ya ta berɛ kaa ya ɡɛne we-ɛɛla ta naa, wɛɛ tɛ yaa deŋnesɔɔhnaa.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 20:19

Awola Kwasiara la jwaana la, Yeesu habɔteŋra la cheme dea bɛl bini. Dɛ ba dɛ ɔmɛ Juu tena, anomanta, ba tɔɔɡe ɡbeni la dɛ laa karɛ ba nɛ. Belaa ba ŋɔ ba nyiŋi, dɛ Yeesu baa che ba baah dɛ ŋɔ, “Kórowii tɛ heyaa bosɔɔhna.”

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

Tɔn Pɔɔl Aa Chwerɛ Rom Tena 1:7

He Rom tena Korowii aa dɛ nyin heyaa dɛ le heyaa ŋɔ hé ba ɛ o nɛra he wa aa toɡra la, he bwaa mɛɛ chwerɛ tɔn nɔ. Ń Naa Korowii ne ya Dɔɔ Yeesu Kristo bwa na he sum, dɛ́ cha heya, dɛ́ tɛ heyaa bosɔɔhna.

Sitɔɔla 19:20

Ate, banjena la ŋɔ, “Mɛɛ kaa he ne n demii. Mɛɛ tɛ heyaa komɛlbwa haa dɛ nyinii, kɛ waa aa hiah mɛɛ kɛ he bɛ bwɛɛ nɔ cheremibɔr bonɔ chɔ jwaana nɔ ne.”

Sitɔɔla 6:22

Gedeɔn aa baa na kɛŋɔ Korowii nyundua toromee la, o do lɔŋɔ ŋɔ, “Ei! Nemenɛ Korowii, n ne he nyundua torome sie ɡba dɔŋa.”

Sitɔɔla 6:24

Anomanta, Gedeɔn ɛ kon baa dɛ ɛ saraha o ta tɛ Korowii bela dɛ pa o sɔn ŋɔ, ‘Korowiirii Deŋnesɔɔhna’. Kpoŋe ba le fini, kon la ta cheɡɛ Abeɛsa dea tena bwɛɛ Ofra.