Sitɔɔla 6:15 - mzwDBL

¹⁵ Asɛ Gedeɔn chaŋe ŋɔ, “N Naa Korowii, ɛrɛɛ mɛɛ ba ɛɛ dɛ́ won lɛɛ baɔ? Manasɛ dea tena bini la, n dem nɛraa ɡwɛɡra, asɛ n lolanar ɡe be pera la, n toole wobɛlbwa bini.”

Sitɔɔla 6:15 ပူးပေါင်းရင်းမြစ်များ

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

Kaala 3:11

Anee Mosis ŋɔ Korowii be ŋɔ, “Umee n ɡe kɛŋɔ ń won la Ijipt kooro be dɛ́ ka ŋɔ ń kpɔ Israel tena le o harɛ ta bela ɔ?”

Kaala 4:10

Asɛ Mosis ŋɔ Korowii be ŋɔ, “N Naa Korowii, n nyoa aa kpɛlɛ ń won bol waa a do som. Dɛ le n bechale saŋ ne ɡɛ saŋ haa kpɔ he te baɡ mɛ bwaa n nyoa aa wola kpɛlɛ ne wobol.”

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Jeremia 50:45

Anomanta, hé no bwɛjen Babelɔn vɔrɔwa men Korowii aa dɛ vɔrɔwe wa. Hale ba bii bwa, baa laɡ ba laa taa kaa, ásɛ ɔmee ne bambiteŋa chole ba nɛ.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Amanesoma Luk Aa Chwera Tɔn 1:34

Anee Mɛɛre ŋɔ nyundua torome la be ŋɔ, “Maa wola baa jemɛ mɔɔ nɔ, ɛrɛɛ waa nɔ ɛɛ ba ɛɛ dɛ́ won maɡre ɔ?”

1 Kɔrent 15:9

Menee Yeesu toroma la bwa bechala n waa aa wola hiaih. N ta chɛɛ kwaraa kɛ ba yer mɛ o torome, dɛkalkɛ ɡɛ n fa aa hah asɔre tena dɛ ɛɛ ba hɔhɔrɔwa la aa were.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Sitɔɔla 6:11

Awola bɛl, Korowii nyundua torome baa so dajen bɛl mun bwɛɛ Ofra. Gɛ daa la ɛ Abeɛsa te baa dɛ yerɔ Joas kon. Dɛ o bibaa Gedeɔn sɔɔh dɛɛ lɔ mea daa la mun bobɛl baa dɛ harame daa nɔna baa kpɔa dɛɛ ɛ sen, ásɛ Midian tena la bɛ on na.

1 Samoɛl 18:23

Ba kaa bol ɡɛ waa nɔ Devid be. Anee o ŋɔ, “Hé dɛ lii kɛ a ɛ wekokori kɛ nɛn ɛ kooro hela kɛɛ? Nyaaree men, n ɛ nɛŋɡwɛɡre.”

1 Samoɛl 9:21

Ate, Sɔɔl chaŋe ŋɔ, “Bɛnjamen dea o nɛra aa wola kanɛ Israel deene bwa binii n le. N lolanar ɡe toole wobɛlbwa bini. Ɛrɛɛ hɛɛ bol ɡɛ waa nɔ n be nɔɔ?”