Sitɔɔla 6:14 - mzwDBL

¹⁴ Belaa Korowii ɡbabir ŋɔ o be ŋɔ, “Gedeɔn, menee dɛɛ tomɛ. Kpɔ bokpeɡa haa dɔa la ka lɛ Israel tena le Midian tena nɔn ta.”

Sitɔɔla 6:14 ပူးပေါင်းရင်းမြစ်များ

Kaala 3:10

N dɛ tomɛ Ijipt kooro be, ásɛ he tɔ n nɛra sie ba won le o harɛ la ta.”

Hibru 11:32

Too, ń baɡle ane ja aa? Maa bɔree dɔ baɡle Gedeɔn, ne Barak, ne Samsen, ne Jɛfta, ne Devid, ne Samoɛl, dɛ Korowii keamere la bwa wa.

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

Sitɔɔla 13:3

Korowii nyundua torome ba o be ba ŋɔ, “He ɛ hambara, kɛ hɛ́ɛ kpoŋe tea dɛ́ lolɛ bibaa.

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

Sitɔɔla 6:11

Awola bɛl, Korowii nyundua torome baa so dajen bɛl mun bwɛɛ Ofra. Gɛ daa la ɛ Abeɛsa te baa dɛ yerɔ Joas kon. Dɛ o bibaa Gedeɔn sɔɔh dɛɛ lɔ mea daa la mun bobɛl baa dɛ harame daa nɔna baa kpɔa dɛɛ ɛ sen, ásɛ Midian tena la bɛ on na.

Sitɔɔla 6:36

Belaa Gedeɔn ŋɔ Korowii be ŋɔ, “N Naa Korowii, dɛ hɛɛ che n nɛɛ dɛ́ lɛ Israel tena ɡɛ haa baɡ mɛ nyoa la aa,

1 Samoɛl 12:11

Korowii tomɛ Gedeɔn ne Barak ne Jɛfta dɛ men Samoɛl asɛ ya ba lɛ heyaa le he dɔma nɔn ta, he so deŋnesɔɔhna ta.