Sitɔɔla 6:13 - mzwDBL

¹³ Anee o chaŋo ŋɔ, “Nomoa, dɛ Korowii ja ya nɛ aa, ɛrɛɛ anɔ bwa berɛ pu yaa nɔɔ? Nyokpowaa ya naawa aa bol a waa baɡle yaa ŋɔ Korowii ɛa dɛ lɛ yaa le Ijipt harɛ ta la, ɛrɛɛ waa wola ane ɛɛ ya ɡe na nɔɔ? Taraken o ta yaa, dɛ kpɔ yaa do Midian tena nɔn ta.”

Sitɔɔla 6:13 ပူးပေါင်းရင်းမြစ်များ

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

Yela 44:1

N Naa Korowii, ya noa deŋne ne, ya naawa bol wejena haa ɛa, ba bere saŋ la ya be.

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Aesaya 41:17

Nyaara ne banɔ la ba waa aa suma ɛɛ ba nyin nee dɛ́ nyɔ kahonɛ ba lobi hol, men Korowii ɛɛ no ba wesoŋaa tɛɛ ba. Menee Israel tena ɛɛ tomɛ, maa ban ta.

Yela 89:49

N Naa Korowii, he nyina o fa aa kana la sɛ? Nyoa he fa aa baɡɛ Devid la ɡe sɛ?

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Mumpar 25:22

Kpara teaa o kpoŋe. Baa lɔ o tea bini la, dɛ ba dɛ lɔ dɔŋa. Anee o ŋɔ, “Bɔkwa ɡe waa nɔɔ.” Dɛ kpɔ ka bil Korowii sie dɛ́ jemɛ waa aa bala.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Jeremia 23:33

Korowii ŋɔ men Jeremia be ŋɔ, “Dɛ n nɛra nɔ bini bɛlbwa kɛɛ n keame, kɛɛ n sɔfo bɔɔre ŋɔ, ‘Bɔkwa waa men Korowii ɛɛ bol ɔ?’ Asɛ he chaŋe ŋɔ, ‘He waa do kɛ bone dɛ dawɛ Korowii nɛ, anomanta, wɛɛ vɛh heyaa.’

Yela 27:9

bɛ he te kpɔ sɔɔh mɛ.” Bɛ ɡel he baah di men maa ɛ he bonɔɔ nɛ. Henee dɛɛ cha mɛ, bɛ men vɛh, dɛ berɛ habɔɔ kpo mɛ. N Naa Korowii, henee n Lɛɛ.

Mmarare 29:24

Ásɛ harɛ nɔ ta nɛra bwa ŋɔ, ‘Ɛrɛ waa Korowii baah di kohona o ɛ harɛ nɔ ken nɔɔ?’

Sitɔɔla 6:1

Israel tena berɔ ɛ wechɔɡa dɛ jo Korowii nɛɛ ja, asɛ o kpɔ ba do Midian tena nɔn ta ba di kpeɡri ba nɛɛ bene anuanɛ.

Sitɔɔla 6:12

Korowii nyundua torome la kpɔ o te baɡle Gedeɔn, dɛ ŋɔ o be ŋɔ, “Banyoo, Korowii ja he nɛ.”

Yela 44:9

Kɛ taraken, he vɛh yaa dɛ ɡel ba pɔ ya nɛ, haa ya laa tena nɛɛ ja, dɛɛ la laa kpa.

Yela 44:2

He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?