Sitɔɔla 6:10 - mzwDBL

¹⁰ N ŋɔ he be kɛŋɔ menee Korowii haa dɛ tom mɛ. He bɛ Amɔre tena haa soɡe ba harɛ ta voɡare la dɛɛ tomɛ. Kɛ he vɛh n waa la noe.”

Sitɔɔla 6:10 ပူးပေါင်းရင်းမြစ်များ

2 Koranar 17:13

Dɛ Korowii cheɡɛ o keamere ne nɛra baa dɛ na chaahna ta, dɛ kah Israel ne Juda tena ŋɔ, “Hé le he wechɔɡa ŋwɛnɛre ta, dɛ́ɛ teŋɛ me Mmarare ne waa maa do heyaa a ta la ta. N kpɔɔ tɛ he naawa ŋɔ báa teŋɛ a ta, dɛ che n keamere ɡe nɛɛ ŋɔ bá dalwe a ta baɡle heya.”

2 Koranar 17:33

Anomanta, ba tomɛ Korowii dɛ berɛ tomɛ ba voɡare ɡɛ bɛlbwa harɛ ta nawee waa aa doa.

2 Koranar 17:7

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Kɛ ane a bwa, dɛ Korowiirii lɛɛ ba le Ijipt harɛ, Ijipt kooro nɔn ta. Dɛ ba dɛ tomɛ voɡa ɡe,

Nehemia 9:29

He kah ba ŋɔ baa teŋɛ he webaɡla ta, kɛ ba ɛ mbarafo ba ta he Mmarare ta teŋɛ, a lole kɛŋɔ he waa ta teŋa taa dɛɛ tɛ mkpa. Ba ɛ deŋnekpeɡ, dɛ berɛ habɔɔ kpoe, dɛ vɛh he waa ta teŋa.

Kaala 34:12

Hé nyiŋi kɛrɛdɛ ásɛ he ne nɛra haa dɛ la ka so ba harɛ ta nɔ bɛ fɔo bɛlbwa fɔwɛ, ásɛ a ba ɛ kɛŋɔ bel bɛl, dɛ́ chɔ tɛ heya.

Kaala 34:14

He bɛ voɡ bɛlbwa tomɛ ka ja men Korowii nɛ, maa nomɛlbwa nyin dɛ ja n nɛ.

Sɛɡla 5:13

N ta nɛra baa baɡ mɛ waa la be noɛ, n ta nɛra baa do mɛ la waa ta teŋɛ.

Jeremia 10:2

“He bɛ harɛre nɛra bane we-ɛɛla ta dɛɛ teŋɛ. He bɛ waa aa dɛ chiɡ nyundua, dɛɛ baɡle waane aa ha heya, a lole kɛŋɔ harɛre nɛra bane te dɛ ɔma.

Jeremia 17:23

Kɛ ba ta deŋne cheɡɛ, ba ɛ deŋnekpeɡ, ba ta n be noɛ á ba ɛ kɛŋɔ baa hweli waanee le n be.

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Jeremia 42:21

Taraken, n bol he be, kɛ he vɛh waa Korowii aa tom mɛ n ba bol he be la bwa.

Jeremia 43:4

Anomanta, Johanan kɛɛ laa nomonome la bɛlbwa, dɛ nɛra la bɛlbwa ta waa Korowii aa do ba ta teŋɛ, dɛ ta so Juda harɛ ta bela.

Jeremia 43:7

Anomanta, ba kpɔ deŋnekpeɡ vɛh Korowii waa la, dɛ ka jo Ijipt harɛ, dɛ kpoŋe kaa bwɛjen Tapanes ta.

Jeremia 9:13

Anee Korowii chaŋe ŋɔ, “Baa vɛh n webaɡla maa kpɔa tɛɛ ba la waa, ba ta duure kpɔe tɛ mɛ, kɛɛ dɛɛ teŋɛ me Mmarare ta.

Sefania 3:2

O nɛra ta Korowii be noɛ, ba ta sɛɛh dɛ teŋɛ toɡra waa toɡ ba la ta. Ba ta ba te kpɔe dawɛ Korowii nɛ, kɛɛ dɛ soŋe chae le o be.

Tɔn Pɔɔl Aa Chwerɛ Rom Tena 10:16

Amanesoma la balɔ, kɛ Israel tena bwa laa sɛh a ta teŋa. Korowii keame Aesaya ɡbaɡba fa bolɔ ŋɔ, “N Naa Korowii, umee yarada waa yaa bol ba be laɔ?”

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?

Sitɔɔla 6:9

N lawɛ heyaa le Ijipt tena ne nɛra baa dɛ ɛ heyaa hɔhɔrɔwa nɔn ta kpeɡri ne. N doŋi harɛre nɛra le he sie dɛ kpɔ ba harɛ tɛ heya.