Sitɔɔla 5:31 - mzwDBL

³¹ N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.

Sitɔɔla 5:31 ပူးပေါင်းရင်းမြစ်များ

2 Samoɛl 18:31

Belaa Itiopia bonɔɔ la ba dɛ ŋɔ, “N naa kooro, dɛɛ no amanesoma nɔ! Korowii lɛɛ le he dɔma baa cheɡɛ he nɛɛ nɔn ta fini.”

2 Samoɛl 18:32

Anee Kooro bɔɔro ŋɔ, “N bibaa Absalɔm dɔ o nyu tenaa?” Asɛ Itiopia te la chaŋe ŋɔ, “N naa, n dɛ nyin kɛŋɔ anɔ la aa puu la, ɡe pu he dɔma bwa.”

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

Yela 19:6

Wee dɛ le nyundua baŋ bɛl, dɛ ɡale ba kaa baŋ bɛl. Komɛlbwa aa won laa on kpɔ le o nyɛɡre la ta.

Yela 20:8

A ɡɛ nɛra nɔ ɛɛ lɔ naa, dɛ́ choɡli, kɛ ya te ɛɛ iruu, dɛ́ che kiŋkiŋ.

Yela 37:6

Wɛɛ che toɡra he wa aa toɡra taa, ásɛ he kasinteŋ dii do kɛ nii, dɛɛ chaah kɛŋɔ webaŋa ken.

Yela 89:36

wɛɛ dɔ naanaree saŋ bɛlbwa, mɛɛ nyiŋi o harɛ taa ó che kiŋkiŋ saŋ bɛlbwa kɛŋɔ wee aa dɛ chaah saŋ bɛlbwa nɔ.

Yela 89:37

O kora ɛɛ cheo kiŋkiŋ saŋ bɛlbwa dɛɛ la ɡɛ korobie aa lɔ nyundua saŋ bɛlbwa nɔ, dɛ́ ɛ danseɛ.”

Yela 91:14

Korowii ŋɔ, “Mɛɛ lɛ nɛra baa dɛ nyin mɛ laanee, dɛ́ kpɔ nɔn tɔ nɛra baa jem mɛ kɛ ba dɔɔree men la nɛ.

Yela 92:10

He ɡelɔ n do kpeɡri kɛŋɔ kpɔɡ bini nabal, dɛ swee mɛ andɛɛɡa, dɛ ɡel n dɔ silɛɛ.

Yela 92:9

N Naa Korowii, ya jemɔ kɛŋɔ he dɔma bwa ɛɛ serewoo, ásɛ nyubinikpeɡ tena bwa lɔ peɡre.

Yela 97:10

Nɛra baa hah wechɔɡa la, Korowii dɛ nyin ba wa. O kpɔ nɔn dɛɛ tɔ o nɛra ba wa aa dɔ kasinteŋ tɛo nɛ, dɛ lɛɛ ba dɛɛ le nyubinikpeɡ tena nɔn ta.

Yela 97:8

Bwɛjen Saayɔn tena noɔ ba sie lɛ, Juda bwɛjena tena ɡee hɛɡre, hen Korowii waa bola dɛ́ pa bole wa.

Kaala 20:6

Dɛɛ nyin banɔ la baa dɛ nyin mɛ dɛɛ teŋɛ me Mmara ta, hale dɛ́ kpoŋe ka tel ba naanar bele kaɡboŋ nɛ.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Daneɛl 12:3

Nomonome baa ɛ wejerema la ɛɛ chaahnoo kɛŋɔ nyundua, ásɛ banɔ la baa baɡle nɛra bane waa a che a ta ba waa toɡre la, baa doo kɛŋɔ weweela dɛɛ chaah saŋ bɛlbwa.”

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Matiu 13:43

Ásɛ name nɛra baa dɛ ɛ wedɛɛɡa ba wa ɛɛ su Korowii siwi la chaah kɛŋɔ wee ken ba Mɛɛ Kora la ta bela. Nomɛlbwa waa no la, ó no.”

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

1 Kɔrent 8:3

Naate waa dɛ nyin Korowii la te, Korowii ɡba jemɔ.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Mmarare 7:9

Anomanta, hé jemɛ kɛŋɔ Korowii haa dɛ tomɔ nɔ, Dɔɔ bɛlbwa toole o habɔɔ. O waa dɔ kasinteŋ dɛɛ teŋɛ o fɔo waa fɔwa, dɛ kpɔ o nyina aa wola jaɡa dɔe baɡle banɔ la baa dɛ nyin o wa, dɛɛ teŋɛ o Mmarare ta la naanar bele kaɡboŋ baa ba lol ba la.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

Sitɔɔla 3:11

Anomanta, deŋnesɔɔhna ba Israel harɛ ta bene fifraanaarɛ mɔɔ Otniel sewɛ.

Sitɔɔla 3:30

Le awola tɔpere dɛɛ kaa la, Israel tena dɔ deŋnesɔɔhna bene fifraanuatoro, asɛ Moab tena ɛɛ tom ba.