Sitɔɔla 5:30 - mzwDBL

³⁰ ‘Ba ken pa laa ta kwaa dɛɛ bɔna, baa bɛlbwa dɔ haah beŋkpoŋ kɛɛ banɛ, Sisera ɡe dɔ laaladɛɛɡa baa sɔh kwaa dawɛ a ta, haahna laaladɛɛɡa aa wera dɛ́ ba tɛ mɛ. Anɔ bwa ɛ kwaa baa paa laa ta.’

Sitɔɔla 5:30 ပူးပေါင်းရင်းမြစ်များ

Mumpar 37:3

Dɛ Josef ɛ Jekɔb banjenbie, anomanta, dɛ o dɛ nyin o waa ɡwaa o bii la bwa. Asɛ o nyarɛ batakaarejaŋ ondɛɛɡe bɛl baa di ɡwini dawɛ o ta tɛo.

2 Samoɛl 13:18

Anomanta, bonɔɔ la lawɔ le dɛ laa ɡbera la laa karɛ habɔɔ. Dɛ o do batakaarejaŋ ondɛɛɡe bɛl. Dɛ ɡɛ batakaani laanee kooro bihaahna baa wola baala jemɛ bwa ɛɛ do.

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Yela 45:14

O do batakaarejaŋ ba sɔh kwaa dawɛ o ta, baa ba o ne hen kooro be, o toli teŋɛ o nɛ, baa ba ba ɡe ne he be.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Kaala 15:9

Ya dɔma tamanɔ dɛ ŋɔ, ‘Mɛɛ ti baa dɛ́ ka pɔ ba nɛ. Ba kondɔɔh bwaa mɛɛ ba pae ɡɛ maa dɛ nyin. Mɛɛ tɛr n kere ba nɛɛ dɛ́ chɔɡ ba bwa.’

Kaala 27:16

Dembaah doonyoa bela la chɛ kɛ ó dɔ pateesan o jaŋne aa ɛ naɡale fifraatoro, bá kpɔ jiseburum ne jisekɔl ne jiseswɛm dɛ jisepondɛɛɡe sɔɔh. Ásɛ nɛn waa dɔ kwaa nyara wejema ɛa dawɛ a ta, ásɛ dɛ dɔ dachiɡri anaarɛ loɡa anaarɛ do a mune ta.

Sɛɡla 16:19

He pwɛre he te dɛ nya bɔ ɡwaa kɛŋɔ he ne mbarafo tena aa bɔne laa ta kwa.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Sitɔɔla 5:19

Koranar balɔ dɛ ba yo, Keenan harɛ ta koranar balɔ dɛ ba yo. Ba baa yo Taanak waa bɛne nenabɔɔ Meɡido, kɛ ba ta wone kpɔ suuɡapoŋa kɛɛ komɛlbwa laa la ta.

Sitɔɔla 5:29

Gɛɛ haahna baa jemɛ waa dɛ so o jwɛɛh la chaŋe, o ɡe ta teŋɛ dɛɛ dalwe a ta dɛ ŋɔ,