Sitɔɔla 5:18 - mzwDBL

¹⁸ Sebulon ne Naftale dea tena kpɔ ba nyu charɛ seo dɛ do laa ta.

Sitɔɔla 5:18 ပူးပေါင်းရင်းမြစ်များ

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

Mumpar 35:25

Rakɛl tolo Bilha bibaalaa nɔ, Dan ne Naftale.

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Yela 68:27

Bɛnjamen dea nɛra baa wola kanɛ la tɔ sie, Juda dea nomonome teŋɛ, ásɛ Sebulon ne Naftale deene nomonome ɡe teŋɛ.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Sitɔɔla 4:10

Barak yerɛ Sebulon ne Naftale deene baala kaɡboŋa fi ba teŋɛ o nɛ, asɛ Dɛbora ɡe ja ba kaa.

Sitɔɔla 4:14

Dɛbora ŋɔ Barak be ŋɔ, “Kaa! Fini tɔpere nɔɔ Korowii kpɔ Sisera do he nɔn ta hé pɔ o nɛ. Korowii te tɔ he sie kaa.” Anomanta, Barak ne o laa tena kaɡboŋa fi la tuo le Tabɔ Bwejen doa ba harɛ.

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

Sitɔɔla 6:35

O tomɛ toroma ba kpɔ Manasɛ harɛ ta dɛɛ yerɛ nɛra bá ba yo laa. Dɛ berɛ kpɔ Aasa ne Sebulon ne Naftale harɛre ta, dɛ yerɛ ba ɡe bá ba ja ba nɛ.